شمالی کشمیر کے ضلع بانڈی پورہ میں یوم اساتذہ کے تعلق سے گورنمنٹ ہائی اسکول باگ بانڈی پورہ میں ایک تقریب منعقد کی گئی جس میں اساتذہ، طلباء اور دیگر کئی سرکردہ افسران نے شرکت کی۔
''اساتذہ قوم کے معمار ہیں''
اس تقریب کا مقصد معاشرے کی ترقی میں ایک استاد کے کردار اور اس کی اہمیت کو بتانا تھا اور اس استاد کی اہمیت کے حوالے سے طلباء کے درمیان ایک حس پیدا کرنا تھا تاکہ ایک استاد جس قدر و منزلت کا حق رکھتا ہے اس سے لوگوں کو آگاہ کیا جائے۔
تقریب میں ڈپٹی کمشنر بانڈی پورہ ڈاکٹر اویس احمد نے مہمان خصوصی کے طور پر شرکت کی جب کہ تقریب میں چیف ایجوکیشن آفیسر، مختلف اسکولوں کے پرنسپلز، ہیڈ ماسٹرز اور دیگر ایوارڈ یافتہ اساتذہ بھی موجود تھے۔