پرینکا گاندھی اظہار تعزیت کے لیے مایاوتی کے گھر پہنچیں

اترپردیش کانگریس کی جنرل سکریٹری پرینکا گاندھی واڈرا نے آج بہوجن سماج پارٹی (بی ایس پی) کی سربراہ مایاوتی سے ان کی رہائش گاہ پر ملاقات کی اور ان کی والدہ کے انتقال پر تعزیت پیش کرتے ہوئے انہیں خراج عقیدت پیش کیا۔

پرینکا گاندھی نے مایاوتی سے ان کی رہائش گاہ پر ملاقات کی اور ان سے کچھ دیر تک بات چیت کی۔ قبل ازیں انہوں نے ٹویٹ کرکے مایاوتی کی والدہ کے انتقال پر اظہار تعزیت کی تھی۔

اس دوران بی ایس پی کے رہنما ستیش چندر مشرا بھی مایاوتی کی رہائش گاہ پر موجود تھے۔

مایاوتی کی قالدہ رام رتی کا ہفتے کو دل کا دورہ پڑنے سے انتقال ہو گیا۔ ان کی عمر 92 سال تھی اور وہ گذشتہ کچھ دنوں سے ایک اسپتال میں زیر علاج تھیں۔

(یو این آئی)