نئی دہلی: وزیر اعظم نریندر مودی 14 اپریل کو شمال مشرقی ریاست آسام کا دورہ کریں گے۔ یہ اطلاع بدھ کو وزیراعظم دفتر سے جاری ایک بیان میں دی گئی۔ ریلیز کے مطابق مودی اپنے دورے کے دوران 14,300 کروڑ روپے کے پروجیکٹوں کا افتتاح کریں گے اور سنگ بنیاد رکھیں گے۔ وزیراعظم تقریبا دوپہر 12 بجے ایمس گواہاٹی پہنچیں گے اور اس کے نو تعمیر شدہ کیمپس کا معائنہ کریں گے۔
اس کے بعد وزیراعظم ایک عوامی تقریب میں ایمس گواہاٹی اور دیگر تین میڈیکل کالجز قوم کے نام وقف کریں گے۔ وزیراعظم آسام میں حفظان صحت کے جدید اختراعی انسٹی ٹیوٹ کا سنگ بنیاد رکھیں گے اور مجاز مستفیدین کو آیوشمان بھارت پردھان منتری جن آروگیہ یوجنا ( اے بی ۔ پی ایم جے اےوائی ) کارڈ تقسیم کرکے آپ کےدوارآیوشمان مہم کا آغاز کریں گے۔
سہ پہر سوا دو بجے وزیراعظم گواہاٹی میں سریمنتا شنکر دیوکلکشیترمیں گواہاٹی ہائی کورٹ کی پلاٹنیم جبلی تقریبات کےموقع پر ایک پروگرام میں شرکت کریں گے۔ شام 5 بجے وزیراعظم ایک عوامی تقریب کی صدارت کرنے کے لئے گواہاٹی کے سروساجائی اسٹیڈیم پہنچیں گے جہاں وہ ایک رنگا رنگ بیہو پروگرام میں شرکت کیں گے اور اس کا نظارہ کریں گے۔