وزیر اعظم مودی بذریعہ ویڈیو کانفرنس گجرات کے پروجیکٹز کا افتتاح اور سنگِ بنیاد رکھیں گے

وزیر اعظم جن پروجیکٹوں کا افتتاح کریں گے ان میں سومناتھ وہار سائٹ اور سومناتھ نمائشی مرکز اور قدیم سومناتھ مندر کی تعمیر شامل ہے۔ وزیر اعظم شری پاروتی مندر کا بھی سنگِ بنیاد رکھیں گے۔

وزیر اعظم نریندر مودی جمعہ کو ویڈیو کانفرنسنگ کے ذریعے گجرات کے سومناتھ میں مختلف منصوبوں کے افتتاح کے ساتھ ساتھ کچھ دیگر پروجیکٹز کا سنگ بنیاد رکھیں گے۔

وزیر اعظم جن پروجیکٹوں کا افتتاح کریں گے ان میں سومناتھ وہار سائٹ اور سومناتھ نمائشی مرکز اور قدیم سومناتھ مندر کی تعمیر شامل ہے۔ وزیر اعظم شری پاروتی مندر کا بھی سنگ بنیاد رکھیں گے۔

سومناتھ وہار سائٹ 47 کروڑ روپے کی لاگت سے تیار کی گئی ہے۔ قدیم سومناتھ مندر کے منفرد ورثے کو نمائش کے مرکز میں رکھا گیا ہے۔ قدیم سومناتھ مندر میں تعمیر کا کام سومناتھ ٹرسٹ نے تین کروڑ روپے کی لاگت سے کیا ہے۔ 30 کروڑ روپیے کی لاگت سے شری پاروتی مندر تعمیر کیا جارہا ہے۔

اس موقع پر مرکزی وزیر داخلہ اور مرکزی وزیر سیاحت کے ساتھ ریاست کے وزیر اعلیٰ اور نائب وزیر اعلیٰ بھی موجود رہیں گے۔

یو این آئی