نئی دہلی: وزیر اعظم نریندر مودی نے جمعرات کو آسام کے لوگوں کو لاچت دیوس کے موقع پر مبارکباد دیتے ہوئے نیک خواہشات کا اظہار کیا۔ وزیر اعظم مودی نے ٹویٹ کیا 'لاچت دیوس پر مبارکباد۔ یہ لاچت دیوس خاص ہے کیونکہ ہم عظیم لاچت بوڑفوکن کی 400 ویں سالگرہ منا رہے ہیں۔ وہ بے مثال جرات کی علامت تھے۔ انہوں نے عوام کی فلاح و بہبود کو سب سے مقدم رکھا اور وہ ایک منصف اور دور اندیش لیڈر تھے۔'Lachit Divas Assam
آج شمال مشرق میں مغلوں کے خلاف لڑنے والے لاچت بوڑفوکن کا 400 واں یوم پیدائش ہے۔ لاچت بوڑفوکن اپنی بے مثال ہمت اور جذبے کے لیے جانے جاتے تھے، جنہوں نے کئی بار مغلوں کا مقابلہ کیا اور انہیں جنگ میں شکست دی اور انہیں گوہاٹی میں داخل ہونے سے بھی روکا۔ آسام میں اس دن کو لاچت دوس کے طور پر منایا جاتا ہے۔