صدرجمہوریہ کا دورہ: بارہ بنکی کے چپے چپے پر رہے گی پولیس کی نظر

صدرجمہوریہ رام ناتھ کووند کے 29 اگست کے مجوزہ دورے کے پیش نظر اترپردیش کے بارہ بنکی میں سیکوریٹی کے پختہ انتظام کئے جارہے یں۔ صدرجمہوریہ جن علاقوں سے گزریں گے ان علاقوں کے چپے چپے پر پولیس کی تعیناتی رہے گی۔ اس کے علاوہ تمام متعلقہ محکمے بھی مکمل طور سے 29 اگست کو مستعد رہیں گے۔

صدر رام ناتھ کووند 29 اکست کو ذریعہ ٹرین ایودھیا جارہے ہیں۔ اس دوران وہ بارہ بنکی سے بھی گزریں گے۔ ان کے دورے کے دوران بارہ بنکی ضلع میں کوئی خلل پیدا نہ ہو، اس کے لئے بارہ بنکی کا ضلع انتظامیہ اور پولیس کمر بستہ ہو گئے ہیں۔ اسی کے پیش نظر جمعرات کو ضلع مجسٹریٹ ڈاکٹر آدرش سنگھ اور پولیس سپرنٹنڈنٹ یمونا پرساد نے ریلوے اسٹیشن کا دورہ کر کے تمام صورتحال کا جائزہ لیا اور دیگر محکموں کو ضروری ہدایات فراہم کی۔

ضلع مجسٹریٹ ڈاکٹر آدرش سنگھ نے بتایا کہ صدر جمہوریہ کے دورے کے دوران ضلع میں کوئی خلل نہ ہو اس کے لئے تمام ضروری اقدام کئے جا رہے ہیں۔

دوسری جانب پولیس سپرنٹنڈنٹ یمونا پرساد نے کہا کہ صدر جمہوریہ کے دورے کے پیش نظر سب کی ڈیوٹی لگا دی گئی ہے۔ تمام کراسنگ اور فلائی اوورس پر پولیس جوان تعینات رہیں گے۔ انہوں عوام سے بھی اپیل کی ہے کہ اس روز وہ بلا وجہ گھروں سے نہ نکلیں۔