آگے بڑھنے کے مواقع ملنے سے ہی معاشرہ ترقی کرتا ہے: صدر کووند

صدر جمہوریہ نے کہا کہ جس معاشرے میں بیٹیوں کو زندگی کے ہر شعبے میں اپنی خواہشات، صلاحیتوں اور امکانات کے مطابق آگے بڑھنے کے مواقع ملتے ہیں، وہ معاشرہ ترقی پسند ہوتا ہے۔ مجھے یہ دیکھ کر بہت خوشی ہوئی کہ تقریب میں پیش کیے گئے 42 ایوارڈز میں سے 14 بیٹیوں کو ملے۔

صدر رام ناتھ کووند نے ویڈیو کانفرنسنگ کے ذریعے نیشنل سروس اسکیم ایوارڈز 2019-20 پروگرام میں ایوارڈ یافتہ افراد کی حوصلہ افزائی کی۔

اس پروگرام میں مرکزی وزیر انوراگ ٹھاکر اور نسیتھ پرمانک نے بھی حصہ لیا۔

اس موقع پر صدر نے کہا کہ جس معاشرے میں بیٹیوں کو زندگی کے ہر شعبے میں اپنی خواہشات، صلاحیتوں اور امکانات کے مطابق آگے بڑھنے کے مواقع ملتے ہیں، وہ معاشرہ ترقی پسند ہوتا ہے۔ مجھے یہ دیکھ کر خاص خوشی ہوئی کہ تقریب میں پیش کیے گئے 42 ایوارڈز میں سے 14 بیٹیوں نے وصول کیے۔

وہیں مرکزی وزیر انوراگ ٹھاکر نے کہا کہ مودی حکومت کی پوری توجہ نوجوانوں کے ذریعے تبدیلی لانے پر ہے اور اس کے لیے حکومت مختلف اسکیموں کے ذریعے انہیں کافی مواقع فراہم کررہی ہیں۔