Queen Elizabeth funeral صدر دروپدی مرمو، ملکہ الزبتھ کی آخری رسومات میں شرکت کریں گی

صدر دروپدی مرمو 17 سے 19 ستمبر تک ملکہ الزبتھ دوم کی آخری رسومات میں شرکت کے لیے لندن جائیں گی اور حکومت ہند کی جانب سے تعزیت پیش کریں گی۔Queen Elizabeth funeral

نئی دہلی: صدر دروپدی مرمو 17 سے 19 ستمبر تک ملکہ الزبتھ دوم کی آخری رسومات میں شرکت کے لیے لندن جائیں گی اور بھارتی حکومت کی جانب سے تعزیت پیش کریں گی، وزارت خارجہ نے بدھ کو اعلان کیا۔ Queen Elizabeth funeral

ملکہ الزبتھ دوم کا انتقال 8 ستمبر کو ہوا۔ صدر مرمو، نائب صدر جگدیپ دھنکھڑ اور وزیر اعظم نریندر مودی سمیت دیگر بھارتی رہنماوں نے ان کے انتقال پر تعزیت کا اظہار کیا تھا۔ وزیر خارجہ ایس. جے شنکر 12 ستمبر کو برطانوی ہائی کمیشن پہنچ کر بھارت کی جانب سے تعزیت کا اظہار کیا تھا۔ بھارت نے بھی ملکہ کی موت پر اتوار یعنی 11 ستمبر کو قومی سوگ کا اعلان کیا تھا۔

وزارت خارجہ نے ایک بیان میں کہا کہ ملکہ الزبتھ دوم کے 70 سالہ دور حکومت میں بھارت اور برطانیہ کے تعلقات بہت زیادہ ترقی، فروغ اور مضبوط ہوئے ہیں۔دولت مشترکہ کے سربراہ کی حیثیت سے انہوں نے دنیا بھر میں لاکھوں لوگوں کی فلاح و بہبود میں اہم کردار ادا کیا۔ ملکہ الزبتھ دوم، جو 96 سال کی عمر میں اسکاٹ لینڈ میں اپنی بالمورل کے رہائش گاہ پر 8 ستمبر کو انتقال کر گئیں، کو 19 ستمبر کو ویسٹ منسٹر ایبی میں سرکاری اعزاز کے ساتھ سپرد خاک کیا جائے گا۔