نئی دہلی: صدر جمہوریہ دروپدی مرمو، لوک سبھا اسپیکر اوم برلا، وزیر دفاع راج ناتھ سنگھ اور وزیر داخلہ امت شاہ سمیت کئی مرکزی وزراء، ریاستوں کے گورنر اور معززین نے وزیر اعظم نریندر مودی کو سالگرہ کی مبارکباد دی ہے۔ دروپدی مرمو نے ہفتہ کے روز ایک ٹویٹ پیغام میں کہا، "وزیراعظم نریندر مودی جی کو سالگرہ کی بہت بہت مبارکباد۔ میری تمنا ہے کہ آپ کے ذریعہ محنت، لگن اور تخلیقی صلاحیتوں سے جاری ملک کی تعمیر کی مہم آپ کی قیادت میں آگے بڑھتی رہے۔ میری نیک خواہش ہے کہ ایشور آپ کو اچھی صحت اور لمبی عمر عطا فرمائے۔" President Murmu wishes PM Modi Birthday
لوک سبھا اسپیکر اوم برلا نے اپنے پیغام میں کہا، وزیر اعظم نریندر مودی جی کو سالگرہ مبارک ہو۔ ایشور سے آپ کی صحت اور درازی عمر کے لیے دعا گو ہوں۔ آپ کی قیادت میں ملک نئی منزلیں طے کرتے ہوئے ترقی یافتہ ملک بننے کی طرف گامزن ہے، اہل وطن بھی نئے اعتماد کے ساتھ اس عزم کی تکمیل کے لیے پرعزم ہیں۔
کانگریس کے سابق صدر راہل گاندھی نے بھی وزیر اعظم نریندر مودی کو مبارک باد دی ہے۔ راہل گاندھی نے ٹوئٹ کرتے ہوئے لکھا کہ 'پی ایم نریندر مودی کو سالگرہ کی مبارکباد۔'
وہیں راجناتھ سنگھ نے کہا، ’’بھارت کے وزیر اعظم نریندر مودی کو اپنے یوم پیدائش پر نیک تمنائیں اور نیک خواہشات۔ انہوں نے اپنی قیادت سے ملک میں ترقی اور گڈ گورننس کو بے مثال مضبوطی دی ہے اور پوری دنیا میں بھارت کے وقار اور احترام کو نئی بلندیوں پر پہنچایا ہے۔ بھگوان ان کو صحت مند رکھے اور لمبی عمر دے۔