Murmu to Civil Servants افسران کو 'قوم پہلے اور عوام پہلے' کے جذبے کے ساتھ کام کرنا چاہیے، مرمو

صدر دروپدی مرمو نے آج کہا کہ سرکاری ملازمین کو دیانتداری، شفافیت، عزم اور عجلت پسندی کے اصولوں پر عمل کرتے ہوئے 'قوم پہلے اور عوام پہلے' کے جذبے کے ساتھ کام کرنا چاہیے۔

نئی دہلی: راشٹرپتی بھون میں لال بہادر شاستری نیشنل اکیڈمی آف ایڈمنسٹریشن میں 124ویں انڈکشن ٹریننگ پروگرام میں شرکت کرنے والے ریاستی سول سروس افسران سے صدر جمہوریہ مرمو نے پیر کو ملاقات کی۔ اس دورا افسروں سے خطاب کرتے ہوئے صدر جمہوریہ نے انہیں انڈین ایڈمنسٹریٹو سروسز میں ترقی اور شمولیت پر مبارکباد دی۔

اس موقع پر انہوں نے کہاکہ 'آپ سبھی نے 20 سال سے زیادہ عرصے تک ریاستی حکومتوں میں مختلف عہدوں پر کام کیا ہے۔ برسوں کے دوران آپ کو بہت سے چیلنجز کا سامنا کرنا پڑا ہوگا اور سخت فیصلے لیے ہوں گے۔ صدر نے افسران پر زور دیا کہ وہ 'قوم پہلے اور عوام پہلے' کے جذبے کے ساتھ کام کریں۔ انہوں نے مزید کہا کہ "آئی اے ایس افسران کے طور پر انہیں دیانتداری، شفافیت، عزم اور عجلت پسندی کے اصولوں پر عمل کرنا چاہیے۔"

صدر نے کہا کہ کئی مواقع پر یہ دیکھا گیا ہے کہ جمود کو برقرار رکھنے کے رجحان کو آگے بڑھایا جاتا ہے۔ یہ رجحان ہمارے اردگرد بدلتے ہوئے منظر نامے سے پیدا ہونے والے لوگوں کے ابھرتے ہوئے مسائل سے لاتعلقی ہے۔ سرکاری ملازمین کو 'بہتر کے لیے تبدیلی' کی ذہنیت کے ساتھ آگے بڑھنا چاہیے۔

صدر مملکت نے کہا کہ ملک کو ایسے سرکاری ملازمین کی ضرورت ہے جو اختراعی، فعال، شائستہ، پیشہ ورانہ، ترقی پسند، توانا، شفاف، ٹیکنالوجی کے حامل اور تخلیقی ہوں۔ ان قائدانہ طرزوں اور اقدار کا ادراک کرنے والے انتظامی افسران کو ملک اور شہریوں کی خدمت کے لیے بہتر طور پر جگہ دی جائے گی۔

یواین آئی