سری نگر میں عسکریت پسندوں کے حملے میں پولیس اہلکار زخمی

سرینگر کے جمہ لٹا علاقے میں عسکریت پسندوں کے حملے میں ایک پولیس اہلکار زخمی ہو گیا جنہیں قریبی ہسپتال میں داخل کرایا گیا ہے۔

جموں و کشمیر کے دارالحکومت سرینگر کے شہر خاص کے جمہ لٹا علاقے میں اتوار کو عسکریت پسندوں کے حملے میں ایک پولیس اہلکار زخمی ہو گیا۔

زخمی پولیس اہلکار کی شناخت محمد مقبول کے طور پر ہوئی ہے جس کو نزدیکی ہسپتال منتقل کیا گیا ہے جہاں ان کا علاج کیا جارہا ہے۔

جموں اور کشمیر کے پولیس سربراہ دلباغ سنگھ نے کہا کہ مذکورہ پولیس اہلکار ایک مشتبہ مقام پر چھاپہ مارنے والی ٹیم میں شامل تھا جہاں فائرنگ کے تبادلے میں وہ اہلکار زخمی ہو گیا۔

پولیس کے مطابق اس علاقے کو محاصرے میں لے لیا گیا ہے۔