پاگل کتے کو ڈھنڈے سے مار نے کا ویڈیو وائرل

ایس ایچ او کشتواڑ عابد بخاری نے بتایا کہ ایک پاگل کتا گذشتہ کئی روز سے قصبہ کشتواڑ میں گھوم رہا تھا اور لوگوں کو اپنا شکار بنا رہا تھا۔

جموں و کشمیر کے ضلع کشتواڑ کے ڈاک بنگلو میں گزشتہ روز کشتواڑ پولیس کا ایک جوان پاگل کتے کو مارتے ہوئے دیکھا گیا۔ کتے کو ڈنڈے سے مارنے کا ویڈیو سوشل میڈیا پر وائرل ہوا ہے جس کے بعد کشتواڑ پولیس نے اس واقعہ میں ملوٽ ایک پولیس اہلکار کے خلاف کارروائی کے احکامات صادر کیے ہیں۔

نمائندہ نے اس بارے میں ایس ایچ او کشتواڑ عابد بخاری سے فون پر رابطہ کر کے جانکاری حاصل کی۔ ایس ایچ او نے بتایا کہ ایک پاگل کتا گزشتہ کئی روز سے قصبہ کشتواڑ میں گھوم رہا تھا اور لوگوں کو اپنا شکار بنا رہا تھا۔

انہوں نے کہا پولیس اہلکار نے کتے کو دیکھا اور ڈنڈے سے مار دیا۔ ایس ایچ او کا کہنا ہے کہ پولیس اہلکار نے قانون کی خلاف ورزی کی ہے، اور اس کی تحقیقات شروع کر دی گئی ہے۔