ہماچل پردیش کے سیاحتی مقام کلو میں ان دنوں شدید سردی کے باعث برف باری کا سلسلہ جاری ہے، اس کے باوجود بھی وہاں سیاحوں کی آمد میں کوئی کمی نہیں دیکھی جارہی ہے، گذشتہ دنوں کلو کے سولنگانالہ میں شدید برف باری کے سبب پھنسے تقریبا 300 سیاحوں کو رات کے 1 بجے ریسکیو کے ذریعے باہر نکالا گیا اور انہیں ہوٹل پہنچایا گیا۔
آپ کوبتادیں کہ' گذشتہ دنوں اچانک موسم خراب ہونے کے باعث سولنگ نالہ و اٹل ٹنل کی جانب جانے والے سیاح برف باری کے سبب وہاں پھنس گئے تھے، حالانکہ اس دوران گئی گاڑیاں بھی وہاں چلتی رہیں لیکن دیگر ریاستوں سے یہاں آئے سیاح اپنی گاڑیوں کو وہاں سے نہیں نکال پائے اس دوران پھنسے لوگوں کو کافی مشکلات کا بھی سامنا رہا۔
اس بات کی اطلاع ملتے ہی پولیس کی ریسکیو ٹیم وہاں پہنچ گئی اور تمام سیاحوں کو بآسانی ریسکیو کے ذریعے باہر نکالا گیا اور انہیں ان کے ہوٹلز لایا گیا۔ اس تعلق سے ایس پی کلو گورو سنگھ نے بتا یا کہ' دیر رات سبھی پھنسے سیاحوں کو خیر و عافیت کے ساتھ باہر نکالا گیا اور ان کے ہوٹلز پہنچایا دیا گیا'۔
