Delhi University: ڈی یو میں ریگنگ روکنے کے لیے پولیس ٹیم تعینات

دہلی یونیورسٹی انتظامیہ (Administration- Delhi University) نے ریگنگ کے خلاف ہدایات جاری کی ہیں۔ ساتھ ہی دہلی پولیس اور پراکٹریل بورڈ کی میٹنگ میں ریگنگ کو لے کر سخت موقف اختیار کرنے کا فیصلہ کیا گیا ہے۔ اس کے علاوہ کالج کے پرنسپل آفس کے باہر شکایت باکس بھی رکھا جائے گا۔

دہلی یونیورسٹی انتظامیہ ریگنگ کے معاملے کو روکنے کے لیے ڈی یو ایف ایم اسٹیشن سے پولیس افسران، پراکٹریل بورڈ کے افسران اور ڈین اسٹوڈنٹ ویلفیئر کے بارے میں معلومات دے گی۔ اس کے علاوہ ہر کالج کے باہر سادہ کپڑوں میں خواتین پولیس اہلکار تعینات ہوں گی۔

کیمپس اور کالج کے اطراف میں پولیس گشت میں اضافہ کیا جائے گا۔ اسکواڈ کو اس بات کا خاص خیال رکھنے کے لیے تشکیل دیا گیا ہے کہ مذہب، جنس کی بنیاد پر کسی کو ہراساں نہ کیا جائے۔ ساتھ ہی نارتھ کیمپس، ساؤتھ کیمپس اور کالجوں کے باہر اینٹی ریگنگ (Anti-ragging) پوسٹر لگانے کی بھی ہدایات دی گئی ہیں۔

اس کے علاوہ 24 گھنٹے ریگنگ ہیلپ لائن نمبر 18001805522جاری کیا گیا ہے۔ ساتھ ہی نارتھ کیمپس اور ساؤتھ کیمپس میں کنٹرول روم بنائے گئے ہیں۔ نارتھ کیمپس میں بنائے گئے کنٹرول روم کا نمبر 011 - 27667221ہے اور ساؤتھ کیمپس میں بنائے گئے کنٹرول روم کا نمبر 011 - 24119832 ہے۔ بتادیں کہ 22 نومبر سے تعلیمی سیشن2021۔ 22میں داخلہ لینے والے طلباء کی تعلیمی سرگرمیاں شروع ہونے جا رہی ہیں۔