Griha Pravesh وزیراعظم مودی دھنتیرس پر چار لاکھ سے زیادہ مستفیدین کو گرہ پرویش کرائیں گے

وزیر اعظم نریندر مودی کل دھنتیرس کے موقع پر مدھیہ پردیش کے 4.5 لاکھ خاندانوں کودیوالی سے پہلے 'اپنے گھر' کا تحفہ دیں گے۔ پردھان منتری آواس (دیہی) کی تعمیر میں مدھیہ پردیش ملک کی سرکردہ ریاستوں میں سے ایک ہے۔ ماہانہ گھروں کی تعمیر کی تعداد تقریباً ایک لاکھ تک پہنچ گئی ہے۔ Griha Pravesh

بھوپال: وزیر اعظم نریندر مودی کل دھنتیرس کے موقع پر مدھیہ پردیش کے 4.5 لاکھ خاندانوں کودیوالی سے پہلے 'اپنے گھر' کا تحفہ دیں گے۔ سرکاری معلومات کے مطابق، مسٹر مودی ان خاندانوں کو دھنتیرس کے دن پردھان منتری آواس یوجنا کے تحت رہائش کی سوغات دیتے ہوئے ورچوئل ’گرہ پرویش‘ کرائیں گے۔ وزیر اعلی شیوراج سنگھ چوہان گرہ پرویشم کے ریاستی سطح کے پروگرام میں ستنا میں شرکت کریں گے۔ پروگرام کل سہ پہر 3 بجے شروع ہوگا۔ Griha Pravesh

پردھان منتری آواس (دیہی) کی تعمیر میں مدھیہ پردیش ملک کی سرکردہ ریاستوں میں سے ایک ہے۔ ماہانہ گھروں کی تعمیر کی تعداد تقریباً ایک لاکھ تک پہنچ گئی ہے۔ گزشتہ مالی سال میں 2 لاکھ 60 ہزار مکانات مکمل ہوئے۔ رواں مالی سال کے پہلے 6 ماہ میں 4 لاکھ 30 ہزار سے زائد مکانات مکمل ہو چکے ہیں۔

ریاست میں اس اسکیم کے تحت اب تک 48 لاکھ دیہی مکانات کی منظوری دی گئی ہے، جن میں سے 29 لاکھ مکانات مکمل ہوچکے ہیں۔ ان گھروں پر 35,000 کروڑ روپے سے زیادہ خرچ ہو چکے ہیں۔ خصوصی پروجیکٹ کے تحت گُنا اور شیوپور اضلاع میں 18 ہزار 342 مکانات کی منظوری دی گئی ہے۔

پردھان منتری آواس یوجنا (دیہی) کے بجٹ میں گزشتہ مالی سال کے مقابلے اس سال کے بجٹ میں 400 فیصد کا اضافہ کیا گیا ہے۔ رواں مالی سال اس اسکیم پرعمل درآمد کے لیے ریاست کے لیے 10 ہزار کروڑ روپے کے بجٹ کا التزام ہے، جس میں 6 ہزار کروڑ روپے مرکزی حکومت اور 4 ہزار کروڑ روپے ریاستی حکومت دے گی۔

آواس مستیفدین کومکانات کا تعمیراتی سامان ریت، لوہا، اینٹ، گٹی، سیمنٹ، لکڑی وغیرہ کفایتی شرحوں پر آسانی سے دستیاب کرانے کے لئے آواس سامگری ایپ بنائی گئی ہے ۔ اس ایپ پر 14 ہزار 850 میٹریل بیچنے والے اور 32 ہزار سروس پرووائیڈرز، مستری، بڑھئی، الیکٹریشن، پلمبر، پینٹرز وغیرہ کو رجسٹر کیا گیا ہے۔ اضلاع میں میٹریل کے نرخ بھی انتظامیہ نے کنٹرول کر لیے ہیں۔

یو این آئی