وزیراعظم نریندر مودی آج کولکاتا کے نیتاجی سبھاش چندر بوس انٹرنیشنل ایئر پورٹ پر پہنچے جہاں گورنر جگدیپ دھنکر سمیت ریاست کے تمام اعلیٰ حکام نے ان کا شاندار استقبال کیا۔
وزیراعظم نریندر مودی کا دورہ مدنی پور ذرائع کے مطابق وزیراعظم نریندر مودی ہلدیہ میں بھارت پیٹرولیم کی تقریب میں شرکت کرنے کے بعد عوامی جلسے سے خطاب کریں گے۔ اسمبلی انتخابات سے قبل مغربی بنگال کی سرزمین پر وزیراعظم نریندر مودی پہلی مرتبہ کسی سیاسی جلسے سے خطاب کریں گے۔ بی جے پی کے ریاستی صدر دلیپ گھوش نے کہا کہ وزیراعظم نریندر مودی عوامی جلسے سے خطاب کرنے کے ساتھ ساتھ پریورتن یاترا کا بھی افتتاح کریں گے۔
انہوں نے کہا کہ اسمبلی انتخابات سے قبل وزیراعظم نریندر مودی کا دورہ مغربی بنگال کئی اعتبار سے اہمیت کا حامل ہے۔ دلیپ گھوش کے مطابق مغربی بنگال کے عوام کو وزیراعظم سے بڑی امید ہے اور وزیراعظم سے مثبت پیغام کا انتظار ہے۔
مزید پڑھیں:وزیراعظم کے دورہ سے قبل ترنمول ۔ بی جے پی کارکنان میں جھڑپ
دوسری طرف وزیراعظم نریندر مودی کے دورے سے قبل مدنی پور ضلع کے نندی گرام میں ترنمول کانگریس اور بی جے پی کے حامیوں کے درمیان جھڑپیں ہوئیں جس میں درجنوں افراد زخمی ہوگئے۔ پولیس اور آر اے ایف کے جوانوں نے موقع پر پہنچ کر حالات کو قابو میں کیا اور زخمیوں کو قریبی ہسپتال منتقل کیا۔
