PM Modi's Assam Visit پی ایم مودی کا آج آسام دورہ، مختلف پروجیکٹوں کا افتتاح کریں گے

وزیر اعظم نریندر مودی اپنے آسام دورہ کے دوران تقریباً 14,300 کروڑ روپے کے مختلف پروجیکٹوں کا افتتاح اور سنگ بنیاد رکھیں گے۔ PM Modi's visit to Assam today

نئی دہلی:وزیر اعظم نریندر مودی آج آسام کا دورہ کریں گے اور اس دوران وہ تقریباً 14,300 کروڑ روپے کے مختلف پروجیکٹوں کا افتتاح اور سنگ بنیاد رکھیں گے۔ وزیر اعظم کے دفتر (پی ایم او) نے یہ اطلاع دی۔ پی ایم او کے مطابق وزیر اعظم آل انڈیا انسٹی ٹیوٹ آف میڈیکل سائنسز (ایمس)، گوہاٹی اور آسام میں تین دیگر میڈیکل کالجوں کا افتتاح کریں گے اور 'آپ کے دوار آیوشمان' مہم کا آغاز کریں گے۔

اس کے مطابق وزیر اعظم آسام ایڈوانسڈ ہیلتھ کیئر انوویشن انسٹی ٹیوٹ، پلاشباری اور سولوچی کو جوڑنے والے برہم پترا ندی پر پل اور شیو ساگر میں رنگ گھر کا بھی سنگ بنیاد رکھیں گے۔ پی ایم او نے کہا کہ وزیر اعظم دوپہر تقریباً 12 بجے ایمس گوہاٹی پہنچیں گے اور اس کے نئے تعمیر شدہ کیمپس کا معائنہ کریں گے۔ اس کے بعد ایک عوامی تقریب میں وہ ایمس گوہاٹی اور تین دیگر میڈیکل کالجوں کو قوم کے نام وقف کریں گے۔

پی ایم او نے کہا کہ ایمس گوہاٹی میں کام کا آغاز آسام اور پورے شمال مشرقی خطے کے لیے ایک اہم موقع ہوگا۔ انہوں نے کہا کہ یہ ملک بھر میں صحت کی دیکھ بھال کے بنیادی ڈھانچے کو مضبوط کرنے کے لیے وزیر اعظم کے عزم کا بھی ثبوت ہے۔ وزیر اعظم نے مئی 2017 میں اس ہسپتال کا سنگ بنیاد رکھا تھا۔ 1120 کروڑ روپے سے زیادہ کی کل لاگت سے بنایا گیا ایمس گوہاٹی ایک جدید ترین ہسپتال ہے جس میں 750 بستر ہیں جن میں 30 آیوش بستر ہیں۔ اس ہسپتال میں ہر سال 100 ایم بی بی ایس طلباء کے داخلے کی گنجائش ہوگی۔ یہ ہسپتال شمال مشرق کے لوگوں کو عالمی معیار کی صحت کی سہولیات فراہم کرے گا۔