وزیر اعظم نریندر مودی آج اپنے ریڈیو پروگرام 'من کی بات' کے ذریعہ قوم سے خطاب کریں گے۔ یہ پروگرام صبح 11 بجے سے آل انڈیا ریڈیو، ڈی ڈی، آکاشوانی اور نریندر مودی موبائل ایپ پر نشر کیا جائے گا۔ من کی بات کا یہ 79واں ایڈیشن ہے۔
واضح رہے کہ پچھلے سات سالوں سے ہر مہینے کے آخری اتوار کو وزیراعظم نریندر مودی پروگرام 'من کی بات' کے ذریعے مختلف موضوعات پر گفتگو کرتے ہیں۔
یہ بھی پڑھیں:President Kovind Visit: کووند کا آج سے جموں و کشمیر اور لداخ کا دورہ
مائی جی او ای کے سی ای او اور سینیئر آئی اے ایس افسر ابھیشیک سنگھ کے مطابق ماہانہ ریڈیو براڈکاسٹ من کی بات کے لئے موصولہ 74 فیصد سے زیادہ جانکاری 18 سے 34 سال کی عمر کے لوگوں سے حاصل ہوئی ہے۔
انہوں نے بتایا کہ 'صحت، تعلیم اور زراعت کے شعبوں میں لوگوں سے زیادہ مشورہ حاصل کیا گیا ہے۔'
