National Maritime Day: سمندری شعبے نے پچھلے آٹھ سالوں میں نئی ​​بلندیوں کو چھولیا، مودی

وزیراعظم نے ٹویٹ کیا کہ "آج نیشنل میری ٹائم ڈے پر ہم اپنی شاندار سمندری تاریخ کو یاد کرتے ہیں اور بھارت کی معیشت کی ترقی میں سمندری شعبے کی اہمیت کو اجاگر کرتے ہیں۔ PM Modi Tweet On National Maritime Day

وزیر اعظم نریندر مودی نے 'نیشنل میری ٹائم ڈے' پر کہا کہ بھارت کے سمندری شعبے نے پچھلے آٹھ سالوں میں نئی ​​بلندیوں کو چھو لیا ہے اور تجارتی سرگرمیوں کو فروغ دینے میں تعاون کیا ہے۔ 5 اپریل کو ملک بھر میں 'نیشنل میری ٹائم ڈے' کے طور پر منایا جاتا ہے۔ یہ دن بھارتی معیشت کی ترقی میں سمندری تجارت کے کردار اور عالمی تجارت میں بھارت کے کردار اور اس کی اسٹریٹجک پوزیشن کے لیے وقف ہے۔ PM Modi Tweet On National Maritime Day

وزیر اعظم نے ٹویٹ کیا کہ "آج نیشنل میری ٹائم ڈے پر ہم اپنی شاندار سمندری تاریخ کو یاد کرتے ہیں اور بھارت کی معیشت کی ترقی میں سمندری شعبے کی اہمیت کو اجاگر کرتے ہیں۔" انہوں نے لکھا کہ گزشتہ آٹھ سالوں میں ہمارے بحری شعبے نے نئی بلندیوں کو چھو لیا ہے اور تجارتی سرگرمیوں کے فروغ میں اپنا کردار ادا کیا ہے۔ وزیر اعظم نے کہا کہ گزشتہ آٹھ سالوں میں حکومت ہند نے بندرگاہ کی قیادت میں ترقی پر توجہ مرکوز کی ہے، جس میں بندرگاہ کی صلاحیت کو بڑھانا اور موجودہ نظام کو مزید موثر بنانا شامل ہے۔

انہوں نے کہا کہ نئی منڈیوں تک بھارتی مصنوعات کی رسائی کو یقینی بنانے کے لیے آبی گزرگاہوں کا استعمال کیا جا رہا ہے۔ وزیر اعظم نے کہا کہ ہم اقتصادی ترقی اور خود کفیل بھارت کی تعمیر کے لیے بحری شعبے کا فائدہ اٹھا رہے ہیں، وہیں ہم اس بات کو بھی یقینی بنانے کے لیے مناسب احتیاطی تدابیر اختیار کر رہے ہیں کہ سمندری ماحولیاتی نظام اور تنوع کا تحفظ ہو، جس پر بھارت کو فخر ہے۔