PM Modi to dedicate 2 key rail lines وزیر اعظم مودی پیر کو ادے پور گیج تبدیل شدہ لائن کا آغاز کریں گے

وزیر اعظم نریندر مودی پیر کو اساروا-ہمت نگر-ادے پور گیج تبدیل شدہ ریلوے لائن پر پہلی ٹرین سروس کا افتتاح کریں گے۔ اس ٹرین سروس میں 12 کوچ ہوں گے جن میں 02 اے سی چیئر کار، 01 تھرڈ اے سی، 03 سیکنڈ سلیپر، 04 جنرل کلاس اور 02 گارڈ کوچ شامل ہیں۔PM Modi to dedicate 2 key rail lines

ادے پور: وزیر اعظم نریندر مودی پیر کو اساروا-ہمت نگر-ادے پور گیج تبدیل شدہ ریلوے لائن پر پہلی ٹرین سروس کا افتتاح کریں گے۔ وزیر اعظم مودی احمد آباد کے اساروا میں پروگرام کو جھنڈی دکھا کر اس کا آغاز کریں گے۔ اس پروگرام میں ریلوے، مواصلات، الیکٹرانکس اور انفارمیشن ٹیکنالوجی کے وزیر اشونی ویشنو بھی موجود رہیں گے۔PM Modi to dedicate 2 key rail lines

نارتھ ویسٹرن ریلوے کے چیف پبلک ریلیشن آفیسر کیپٹن ششی کرن کے مطابق اساروا میں منعقد کی گئی لانچنگ تقریب کے ساتھ ساتھ اس گیج میں تبدیل شدہ ریلوے لائن پر نئی ریل سروس کی افتتاحی تقریب بھی ادے پور سے منعقد کی جارہی ہے۔ ادے پور میں منعقدہ تقریب میں قائد حزب اختلاف گلاب چند کٹاریہ اور ایم پی سی پی جوشی ادے پور سے اسروا ریل سروس کو ہری جھنڈی دکھائیں گے۔

ادے پور اسٹیشن پر منعقدہ افتتاحی تقریب میں نارتھ ویسٹرن ریلوے کے جنرل منیجر وجے شرما موجود ہوں گے۔ اس کے علاوہ دیگر اسٹیشنوں میں، عمرا اسٹیشن پر ایم ایل اے پھول سنگھ مینا، جوار اسٹیشن پر ایم پی ارجن لال مینا، جیسمند روڈ اسٹیشن پر ایم ایل اے امرت لال، ڈنگر پور اسٹیشن پر ایم پی کنکمل کٹارا اور رکاب دیو روڈ اسٹیشن کا افتتاح دیگر عوامی نمائندوں کے ذریعہ کیا جائے گا۔

انہوں نے بتایا کہ ٹرین نمبر 09477، اساروا (احمد آباد) - ادے پور سٹی افتتاحی خصوصی ٹرین سروس 31 اکتوبر کو اساروا سے 18.00 بجے روانہ ہوگی اور 00.05 بجے ادے پور پہنچے گی۔ اسی طرح ٹرین نمبر 09609، ادے پور سٹی - اساروا (احمد آباد) افتتاحی خصوصی ٹرین سروس 31 اکتوبر کو ادے پور سے 18.00 بجے روانہ ہوگی اور 00.20 بجے اساروا پہنچے گی۔ ریگولر ٹرین سروس یکم نومبر سے روزانہ چلائی جائے گی۔

ٹرین نمبر 19703، ادے پور سٹی – اساروا (احمد آباد) ایکسپریس اور یکم نومبر سے ادے پور شہر سے 17.00 بجے روانہ ہوگی 23.00 بجے اساروا پہنچے گی۔ اسی طرح ٹرین نمبر 19704، اساروا (احمد آباد) - ادے پور سٹی یوہمیہ ایکسپریس ٹرین سروس یکم نومبر سے اساروا سے 06.30 بجے روانہ ہوکر ادے پور شہر تک 12.30 بجے پہنچے گی۔ یہ ٹرین سروس روٹ پر عمرا، جوار، جیسمند روڈ، سیماری، رکھب دیو روڈ، ڈنگر پور، بیچی واڑہ، شاملاجی روڈ، ہمت نگر، پرنتیج، تلود، نانڈول دہیگام، نرودا اور سردار گرام اسٹیشنوں پر رکے گی۔

اس ٹرین سروس میں 12 کوچ ہوں گے جن میں 02 اے سی چیئر کار، 01 تھرڈ اے سی، 03 سیکنڈ سلیپر، 04 جنرل کلاس اور 02 گارڈ کوچ شامل ہیں۔

کیپٹن ششی کرن کے مطابق 295 کلومیٹر کے ادے پور-ہمت نگر-اساروا (احمد آباد) ریلوے سیکشن کے گیج کو میٹر گیج سے براڈ گیج میں تبدیل کرنے کا کام سال 2008-09 میں منظور کیا گیا تھا۔ اس کام پر تقریباً 2220 کروڑ روپے خرچ ہوئے ہیں۔ اس ریلوے لائن پر 41 بڑے اور 736 چھوٹے پل بنائے گئے ہیں۔ اس سیکشن پر 22 کراسنگ اور 15 ہالٹ اسٹیشن بنائے گئے ہیں۔ اس سیکشن کے آغاز کے ساتھ ہی احمد آباد-دہلی کے درمیان ایک اضافی متبادل راستہ دستیاب ہوجائے گا۔

یواین آئی