وزیر اعظم مودی کو برطانوی وزیر اعظم بورس جانسن نے اجلاس میں شرکت کرنے کی دعوت دی ہے۔ دراصل برطانیہ اس بار جی ۔7 اجلاس کی سربراہی کر رہا ہے اور اس نے بھارت، آسٹریلیا، جنوبی کوریا اور جنوبی افریقہ کو مدعو کیا ہے۔
جی -7 میں کینیڈا، فرانس، جرمنی، اٹلی، جاپان، امریکہ اور برطانیہ کے ساتھ ساتھ یورپی یونین شامل ہے۔ یہ دوسرا موقع ہوگا جب وزیر اعظم جی 7 اجلاس میں شریک ہوں گے۔ سال 2019 میں بھارت کو فرانس کی زیر صدارت جی ۔7 سربراہی اجلاس میں مدعو کیا گیا تھا۔
وزیر اعظم آفس (پی ایم او) کی طرف سے جاری کردہ ایک بیان میں کہا گیا ہے کہ اس کانفرنس کا موضوع 'بہتر تعمیر نو' ہے اور برطانیہ نے اپنی صدارت میں چار ترجیحی شعبوں کا تعین کیا ہے۔
اس کانفرنس میں صحت اور آب و ہوا کی تبدیلی کو مدنظر رکھتے ہوئے تمام رہنما کورونا وبائی امراض سے نمٹنے پر تبادلہ خیال کریں گے۔
واضح رہے کہ وزارت خارجہ نے گذشتہ ماہ کہا تھا کہ وزیر اعظم مودی ملک میں کورونا وائرس کی وبا کی موجودہ صورتحال کے پیش نظر جی ۔7 سربراہی اجلاس میں شرکت کے لئے برطانیہ نہیں جائیں گے۔
