Indian Science Congress وزیراعظم مودی 108ویں انڈین سائنس کانگریس سے خطاب کریں گے

وزیر اعظم مودی 3 جنوری کو مہاراشٹر کے ناگپور میں دنیا کی سب سے بڑی سائنس کانفرنس ویڈیو کانفرنسنگ کے ذریعے خطاب کریں گے۔ اس کانفرنس کے ساتھ ساتھ کئی دوسرے پروگرام بھی منعقد کیے جائیں گے۔ Indian Science Congress

نئی دہلی: وزیر اعظم نریندر مودی 3 جنوری کو صبح ساڑھے دس بجے ویڈیو کانفرنس کے ذریعے 108ویں انڈین سائنس کانگریس (آئی ایس سی) سے خطاب کریں گے۔ آئی ایس سی کا 108 واں سالانہ اجلاس راشٹرسنت توکادوجی مہاراج ناگپور یونیورسٹی میں منعقد ہوگا، جو اس سال اپنی صد سالہ بھی منا رہی ہے۔PM to address 108th Indian Science Congress

اس سال کے آئی ایس سی کا مرکزی موضوع 'خواتین کو بااختیار بنانے کے ساتھ پائیدار ترقی کے لیے سائنس اور ٹیکنالوجی' ہے۔ اس کانگریس میں پائیدار ترقی، خواتین کو بااختیار بنانے اور اس مقصد کو حاصل کرنے میں سائنس اور ٹیکنالوجی کے رول پر بات چیت کی جائے گی۔ شرکاء تدریس، تحقیق اور صنعت کے اعلیٰ شعبوں میں خواتین کی تعداد بڑھانے کے طریقوں پر تبادلہ خیال کریں گے اور اس کے ساتھ ساتھ خواتین کو ایس ٹی ای ایم-اسٹیم (سائنس، ٹیکنالوجی، انجینئرنگ، ریاضی) کی تعلیم، تحقیق کے مواقع تک مساوی رسائی فراہم کرانے اور اقتصادی شراکت داری کے طریقے تلاش کرنے کی کوشش کریں گے۔ سائنس اور ٹیکنالوجی میں خواتین کی شراکت کو اجاگر کرنے کے لیے ایک خصوصی پروگرام بھی منعقد کیا جائے گا جس میں معروف خاتون سائنسدانوں کے لیکچرز بھی ہوں گے۔

آئی ایس سی کے ساتھ ساتھ کئی دوسرے پروگرام بھی منعقد کیے جائیں گے۔ بچوں میں سائنسی دلچسپی اور مزاج کو تحریک دینے میں مدد کے لیے چلڈرن سائنس کانگریس بھی منعقد کی جائے گی۔ کسانوں کی سائنس کانگریس، بائیو اکانومی کو بہتر بنانے اور نوجوانوں کو زراعت کی طرف راغب کرنے کے لیے ایک پلیٹ فارم فراہم کرے گی۔ قبائلی سائنس کانگریس بھی منعقد کی جائے گی، جو قبائلی خواتین کو بااختیار بنانے پر توجہ دینے کے ساتھ ساتھ مقامی قدیم علمی نظام اور عمل کی سائنسی نمائش کے لئے ایک پلیٹ فارم بھی ہوگا۔ اس کانگریس کا پہلا اجلاس 1914 میں منعقد کیا گیا تھا۔ آئی ایس سی کا 108 واں سالانہ اجلاس راشٹرسنت توکادوجی مہاراج ناگپور یونیورسٹی میں منعقد کیا جائے گا، جو کہ اس سال اپنی صد سالہ تقریب بھی منا رہی ہے۔

یو این آئی