وزیر اعظم نریندر مودی نے آج پی ایم کسان سمان ندھی اسکیم کی آٹھویں قسط کے طور پر 9.5 کروڑ فائدہ مند کسانوں کے لیے 20،000 کروڑ روپے کی رقم جاری کی۔
معلوم ہو کہ اس اسکیم کے تحت ہر اہل کاشتکار کو سالانہ 6000 روپے کی رقم دی جا تی ہے۔
یہ رقم ہر چار ماہ بعد دو ہزار روپے دی جائے گی۔ یہ رقم براہ راست مستحق کسانوں کے اکاؤنٹ میں جمع ہوجاتی ہے۔ اس اسکیم کے تحت اب تک کسانوں کو 1.15 لاکھ کروڑ روپئے کی رقم دی جا چکی ہے۔
وزیر اعظم آفس سے جاری ایک بیان میں کہا گیا تھا کہ وزیر اعظم ویڈیو کانفرنس کے ذریعہ منعقدہ ایک تقریب میں وزیر اعظم-کسان سمن ندھی کی رقم جاری کریں گے اور مستحقین سے بات چیت بھی کریں گے۔ اس موقع پر مرکزی وزیر زراعت نریندر سنگھ تومر بھی موجود ہوں گے۔
بیان میں کہا گیا ہے کہ اس عرصے کے دوران 9،5 کروڑ سے زائد کسان خاندانوں کے کھاتے میں 20،000 کروڑ روپے سے زیادہ رقم منتقل کردی گئی۔