Modi at B20 Summit وزیراعظم مودی کی انٹرنیشنل کنزیومرز کیئر ڈے منانے کی تجویز

وزیر اعظم نریندر مودی نے اتوار کو بی 20 چوٹی کانفرنس سے خطاب کیا۔ اس بزنس سمٹ میں وزیراعظم نریندر نے صارفین کے حقوق کا جشن منانے کے بجائے ہمیں سال میں ایک دن 'انٹرنیشنل کنزیومرز کیئر ڈے' کے طور پر منانا کی تجویز بھی پیش کی اور کہا کہ ایسا کرکے ہم اپنے صارفین کا اعتماد اور بھروسہ جیتنے میں کامیاب ہوں گے۔

نئی دہلی: وزیر اعظم نریندر مودی نے بھارت کے نوجوان صلاحیتوں اور ڈیجیٹل انقلاب کا حوالہ دیتے ہوئے آج عالمی کاروباری برادری سے کہا کہ بھارت کے ساتھ آپ کی دوستی جتنی گہری ہوگی، دونوں کی خوشحالی اتنی ہی زیادہ ہوگی۔ دلی میں تین روزہ بی۔20 چوٹی کانفرنس کے آخری دن خطاب کرتے ہوئے مودی نے کہا کہ ''کاروبار امکانات کو خوشحالی، رکاوٹوں کو مواقع میں، خواہشات کو کامیابیوں میں بدل سکتا ہے۔ چاہے وہ چھوٹے ہوں یا بڑے، عالمی ہوں یا مقامی، کاروبار سب کے لیے ترقی کو یقینی بنا سکتے ہیں۔ لہذا عالمی ترقی کا مستقبل تجارت کے مستقبل پر منحصر ہے۔"

بی۔20 تھیم R.A.I.S.E ’آر اے آئی ایس ای‘ کے بارے میں وزیر اعظم نے کہا کہ اگرچہ 'آئی' جدت کی نمائندگی کرتا ہے، لیکن یہ جامعیت کی ایک اور 'آئی' کی تصویر بھی پینٹ کرتا ہے۔ اس کے علاوہ مودی نے یہ تجویز بھی دی کی سال میں ایک دن 'انٹرنیشنل کنزیومرز کیئر ڈے' کے طور پر منایا جانا چاہئے، انھوں نے کہا کہ صارفین کے حقوق کا جشن منانے کے بجائے ہمیں سال میں ایک دن 'انٹرنیشنل کنزیومرز کیئر ڈے' کے طور پر منانا چاہیے۔ اس کی وجہ سے ہم اپنے صارفین کا اعتماد اور بھروسہ جیتنے میں کامیاب ہوں گے اور اس کے علاوہ ہم ان کے حقوق کی بھی دیکھ بھال کر لیں گے۔

انہوں نے کہا کہ جی 20 میں مستقل نشستوں کے لیے افریقی یونین کو مدعو کرتے وقت بھی یہی طریقہ اپنایا گیا ہے۔ بی 20 میں بھی وزیراعظم نے کہا کہ افریقہ کی اقتصادی ترقی کو فوکس ایریا کے طور پر شناخت کیا گیا ہے۔ وزیر اعظم نے کہاکہ "ہندوستان کا ماننا ہے کہ اس فورم کے جامع نقطہ نظر کا اس گروپ پر براہ راست اثر پڑے گا۔" انہوں نے کہا کہ یہاں کئے گئے فیصلوں کی کامیابیوں کا عالمی اقتصادی چیلنجوں سے نمٹنے اور پائیدار ترقی پر براہ راست اثر پڑے گا۔

کووڈ-19 وبائی مرض سے سیکھے گئے اسباق کے بارے میں بات کرتے ہوئے مسٹر مودی نے کہا کہ وبائی مرض نے ہمیں سکھایا کہ جس چیز کی ہماری سرمایہ کاری کی سب سے زیادہ ضرورت ہے وہ ہے 'باہمی اعتماد'۔ وزیر اعظم نے کہا کہ جب وبائی بیماری نے باہمی اعتماد کی عمارت کو تباہ کر دیا تھا، ہندوستان اعتماد اور انکساری کے ساتھ کھڑا تھا، باہمی اعتماد کا پرچم بلند کرتا تھا۔ ہندوستان نے 150 سے زیادہ ممالک کو دوائیں فراہم کیں، دنیا کی دواخانہ کے طور پر اپنا مقام برقرار رکھا۔ اسی طرح کروڑوں لوگوں کی جان بچانے کے لیے ویکسین کی پیداوار میں اضافہ کیا گیا۔ ہندوستان کی جمہوری اقدار اس کے عمل اور اس کے ردعمل سے جھلکتی ہیں۔

انہوں نے کہا کہ بھارت کے 50 سے زیادہ شہروں میں ہونے والے جی 20 اجلاسوں میں بھارت کی جمہوری اقدار جھلکتی ہیں۔ واضح رہے کہ بی 20 سربراہی اجلاس 25 سے 27 اگست تک دہلی میں منعقد کیا گیا ہے۔ جس میں تقریباً 55 ممالک کے 1500 سے زائد مندوبین نے شرکت کی۔ (یو این آئی مشمولات کے ساتھ)