PM Modi Hails Indian Relief Teams بھارتی ٹیم نے ترکی اور شام میں بہتر طریقے سے راحت اور بچاؤ کا کام کیا، مودی

ترکی اور شام کے زلزلہ زدہ علاقوں میں تلاش، بچاؤ اور راحت کے کاموں کے لیے 'آپریشن دوست' کے تحت کام کرنے والی پوری بھارتی ٹیم کو مبارکباد دیتے ہوئے مودی نے کہا کہ بھارتی ٹیم نے ترکی اور شام میں بہتر طریقے سے راحت اور بچاؤ کا کام کیا۔

نئی دہلی: وزیر اعظم نریندر مودی نے پیر کو کہا کہ ترکی اور شام کے زلزلہ زدہ علاقوں میں تلاش، بچاؤ اور راحت کے کاموں کے لیے 'آپریشن دوست' کے تحت کام کرنے والی پوری بھارتی ٹیم نے بہترین کام کیا ہے۔ وزیر اعظم نے کہا کہ بھارتی ٹیم کے ترکی پہنچنے میں تیزی نے پوری دنیا کی توجہ مبذول کرائی ہے۔ اس مہم میں حصہ لینے کے بعد گھر لوٹنے والے راحت اور بچاؤ ٹیم کے ارکان سے خطاب کرتے ہوئے مودی نے کہا کہ ملک کو آپ سب پر فخر ہے۔

مودی نے کہا 'آپریشن دوست سے وابستہ پوری ٹیم، چاہے وہ نیشنل ڈیزاسٹر ریلیف فورس (این ڈی آر ایف) ہو، فوج، فضائیہ یا ہمارے دیگر خدمات کے شراکت دار، سبھی نے بہترین کام کیا ہے۔انہوں نے کہا کہ ٹیم کے ساتھ آنے والے 'ہمارے بے زباں دوست، ڈاگ سکواڈ ممبران' نے بھی کمالکی صلاحیت کا مظاہرہ کیا ہے۔ مودی نے کہا کہ ہماری ثقافت نے ہمیں وسودھیو کٹمبکم سکھایا ہے۔ ترکی ہو یا شام، ہماری پوری ٹیم نے ان ہندوستانی اقدار کا مظاہرہ کیا ہے۔ ہم دنیا کو ایک خاندان سمجھتے ہیں۔

وزیر اعظم نے کہا کہ ملک کوئی بھی ہو، اگر بات ماننے کی ہے انسانی حساسیت پر یقین رکھنے کی ہے، تو ہندوستان انسانی مفاد کو سب سے اوپر رکھتا ہے۔ انہوں نے کہا کہ ترکی میں زلزلے کے بعد جس رفتار سے آپ سب وہاں پہنچے اس نے پوری دنیا کی توجہ اپنی جانب مبذول کرائی ہے۔ یہ آپ کی تیاریوں اور آپ کی تربیت کی کارکردگی کو ظاہر کرتا ہے۔

یواین آئی