خود کفیل ہندوستان کی کامیابی کی ذمہ داری ہندوستانی صنعت پر: مودی

وزیراعظم نریندر مودی نے کہا کہ آج کا نیا ہندوستان، نئی دنیا کے ساتھ چلنے کے لئے تیار ہے۔ جو ہندوستان کبھی غیرملکی سرمایہ کاری سے گھبراتا تھا، آج وہ ہر طرح کی سرمایہ کاری کا خیرمقدم کررہا ہے

وزیراعظم نریندر مودی نے آزادی کے امرت فیسٹول کو ہندوستانی صنعت کے لئے یہ بہت بڑا موقع قرار دیتے ہوئے آج کہا کہ خودکفیل ہندوستان مہم کی کامیائی کی بہت بڑی ذمہ داری ہندوستانی صنعت پر ہے۔

مودی نے کنفیڈریشن آف انڈین انڈسٹری (سی آئی آئی) کے سالانہ اجلاس سے خطاب کرتے ہوئے کہا کہ سی آئی آئی کی یہ میٹنگ اس بار 75ویں یوم آزادی کے ماحول میں، آزادی کے امرت فیسٹول کے درمیان ہورہی ہے۔ ہندوستانی صنعت کے لیے یہ بہت بڑا موقع ہے، جس سے وہ دنیا کے نئے عزائم اور نئے اہداف حاصل کرسکیں گے۔

انہوں نے کہا کہ آج کا نیا ہندوستان، نئی دنیا کے ساتھ چلنے کے لئے تیار ہے۔ جو ہندوستان کبھی غیرملکی سرمایہ کاری سے گھبراتا تھا، آج وہ ہر طرح کی سرمایہ کاری کا خیرمقدم کررہا ہے۔ آج صورتحال تیزی سے تبدیل ہورہی ہے۔ اہل وطن کا جذبہ، ہندوستان میں بنی مصنوعات کے ساتھ ہے۔ کمپنی ہندوستانی ہو یہ ضروری نہیں لیکن آج ہر ہندوستانی، ہندوستان میں تیار مصنوعات کو اپنانا چاہتا ہے۔

جاری یو این