گھریلو ایل پی جی سلینڈر کی قیمت میں 25 روپے کے اضافے کے بعد دہلی میں بغیر سبسڈی کے 14.2 کلوگرام سلینڈر کی قیمت میں 884.50 روپے ہوگئی ہے۔
اس سے قبل 18 اگست کو بھی گیس سلینڈر کی قیمتوں میں 25 روپے کا اضافہ کیا گیا تھا۔
اس اضافے کے ساتھ اب دہلی میں 14.2 کلو ایل پی جی سلینڈر کی قیمت بڑھ کر 884.50 ہوگئی ہے اور 19 کلو کمرشل سلنڈر کی قیمت میں بھی 75 روپے کا اضافہ ہوا جس کی قیمت دہلی میں 1693 روپے ہوگئی ہے۔
کانگریس لیڈر راہل گاندھی نے ایل پی جی سلینڈر کی قیمت میں 25 روپے اضافے پر مرکزی حکومت کی تنقید کی۔ راہل گاندھی نے ٹویٹ کیا کہ عوام کو بھوکے پیٹ سونے پر مجبور کیا جارہا ہے۔
راہل گاندھی نے لکھا کیا کہ عوام کو بھوکے پیٹ سونے پر مجبور کرنے والے خود دوستوں کے سائے میں آرام کر رہے ہیں۔ انہوں نے مزید لکھا کہ "ملک اس ناانصافی کے خلاف متحد ہو رہا ہے۔"
اس سے قبل 11 اگست کو پرینکا گاندھی واڈرا نے مہنگائی کے مسئلے پر مرکزی حکومت پر تنقید کی تھی اور مرکز سے کہا تھا کہ وہ اجولا ایل پی جی سلینڈر پر غریبوں کو سبسڈی دے۔