بی جے پی کے تشہیری نظام میں لوگ گمراہ ہو رہے ہیں : گیان یادو

ریاست اتر پردیش کے بارہ بنکی کے پرانے سوشلسٹ لیڈر مرحوم شیام لال یادو کے چھوٹے بیٹے گیان یادو نے بی جے پی کے تشہیر نظام میں گمراہ ہو رہے لوگوں کو صحیح راستے پر لانے کے لئے مہم شروع کی ہے۔

گیان یادو گاؤں گاؤں جاکر چھوٹی چھوٹی میٹنگ کر کے لوگوں کو بی جے پی کی تشہیری نظام کے تئیں عوام کو بیدار کر رہے ہیں اور اکھلیش یادو کو وزیراعلیٰ بنانے کی اپیل کر رہے ہیں۔

واضح رہے کہ گیان سنگھ مرحوم شیال لال یادو کے بیٹے ہیں۔ ان کے بڑے بھائی حکم سنگھ یادو بھی سماجوادی پارٹی کے سینئر لیڈر تھے لیکن ایک ماہ قبل حکم سنگھ یادو کا حرکت قلب رکنے سے انتقال ہو گیا۔ اس صدمہ سے نکلنے کے بعد گیان سنگھ یادو سماجوادی پارٹی کی تشہیر میں لگ گئے ہیں۔

اتوار کے روز انہوں نے بارہ بنکی کے بستی گاؤں میں چوپال لگائی۔ انہوں عوام سے اپیل کی کہ وہ سماجوادی پارٹی کو کامیاب بنانے کے لئے تمام اختلافات کو بھلا دیں۔ انہوں نے کہا کہ امیدوار کوئی بھی ہو وہ اسے اکھلیش یادو کو ووٹ دیکر کامیاب کریں۔ انہوں نے کہا کہ عوام بی جے پی کے تشہیری نظام میں نہ پھنسے اسلئے وہ گاؤں گاؤں جاکر لوگوں کو بیدار کر رہے ہیں۔