مرکزی حکومت نے سوشل میڈیا پر کورونا وائرس کے متعلق گمراہ کن اور قابل اعتراض ٹویٹس یا پوسٹس کرنے والے اکاونٹ کے خلاف کاروائی کرنے کی بات کہی ہے، جس کے بعد ٹویٹر نے ایسے بہت سے ٹویٹس کو ہٹا دیا تھا، کانگریس کے قومی ترجمان پون کھیڑا نے اس معاملے پر مرکزی وزیر اطلاعات و نشریات کے وزیر روی شنکر پرساد اور ٹویٹر پر سخت تنقید کی ہے۔
پون کھیڑا نے مرکزی وزیر اور ٹویٹر کو قانونی نوٹس بھیجا - کانگریس پارٹی کے قومی ترجمان پون کھیڑا
کانگریس پارٹی کے قومی ترجمان پون کھیڑا نے تبلیغی جماعت کے ساتھ دہرا رویہ اختیار کرنے والے اپنے ٹویٹس کو ہٹائے جانے پر مرکزی وزیر روی شنکر پرساد اور ٹویٹر کو ایک قانونی نوٹس جاری کیا ہے۔
کانگریس پارٹی کے قومی ترجمان پون کھیڑا
پون کھیڑا کے ٹویٹ کو ہٹائے جانے کے بعد ٹویٹر پر مطلع کیا کہ انہوں نے کمبھ میلہ اور تبلیغی جماعت پر دہرا رویہ اختیار کرنے والے اپنے ٹویٹس کو ہٹائے جانے کو چلینج کرتے ہوئے مرکزی وزیر روی شنکر پرساد اور ٹویٹر کو ایک قانونی نوٹس جاری کیا ہے۔
ٹویٹر پر ان کے وکیل کرن شرما کی جانب سے تیار کردہ نوٹس پیپر کی ایک کاپی بھی اپ لوڈ کی ہے۔ جس میں کہا گیا ہے کہ میرے مؤکل (پون کھیڑا) کے ٹویٹر اکاؤنٹ میں تبدیلی کرنا ریگولیٹری طاقتوں کا غلط استعمال کرنے کے ساتھ ساتھ اور دستور کے آرٹیکل 19 (1) میں مذکور اظہار رائے کی آزادی کی خلاف ورزی ہے۔