چنئی ہوائی اڈے پر، زندہ مکڑیوں سے بھرا پارسل ضبط

کسٹم افسران نے انا انٹرنیشنل ایئرپورٹ پر فارن پوسٹ آفس (ایف پی او) میں 107 زندہ مکڑیوں سے بھرا ڈاک پارسل ضبط کیا اور بعد میں اسے پولینڈ واپس بھجوادیا۔

کسٹم کمشنر کے دفترسے جاری بیان کے مطابق کسٹم افسران نے شک کی بنیاد پر ایف پی اومیں آئے ایک ڈاک پارسل کی جانچ کی۔

تمل ناڈو میں اروپّوکوٹائی واقع ایک شخص کےنام پتے پر آئے اس پارسل کو کھولاگیا تو اس میں تھرماکول باکس میں کپاس سے لپیٹی گئی پلاسٹک کی 107چھوٹی چھوٹی شیشیاں ملی جس میں زندہ مکڑیاں رکھی گئی تھیں۔

بعد میں وائلڈ لائف کرائم کنٹرول بیورو کے عہدیداروں اور زولوجیکل سروے آف انڈیا کے سائنسدانوں کو بلایا گیا۔ افسران کی سفارش پر پولینڈ سے آئے اس پارسل کو واپس بھیجنے کے لئے ایف پی او کے حوالے کردیا گیا۔ متعلقہ معاملے میں مزید تحقیقات جاری ہے۔

یواین آئی