منگل کو پاکستان کے وزیر اعظم عمران خان نے سابق بھارتی وزیر اعظم منموہن سنگھ کی کووڈ 19 سے جلد صحتیابی کی خواہش کی ہے۔
عمران خان نے ٹویٹ میں لکھا: 'سابق بھارتی وزیراعظم من موہن سنگھ کی کورونا سے جلد صحتیابی کیلئے دعاگو ہوں۔۔'
'منموہن سنگھ کی صحتیابی کے لیے دعاگو ہوں'
پاکستان کے وزیر اعظم عمران خان نے منگل کے روز سابق بھارتی وزیر اعظم منموہن سنگھ کی جلد صحتیابی کی خواہش کی۔ منموہن سنگھ کورونا سے متاثر پائے گئے اور اس وقت آل انڈیا انسٹی ٹیوٹ آف میڈیکل سائنسز میں زیر علاج ہیں۔
'منموہن سنگھ کی صحتیابی کیلئے دعاگو ہوں'
سینئر ترین کانگریس پارٹی رہنما ڈاکٹر منموہن سنگھ کو کووڈ-19 سے متاثر پایا گیا ہے اور انہیں پیر کو نئی دہلی کے آل انڈیا انسٹی ٹیوٹ آف میڈیکل سائنس (ایمس) ٹروما سینٹر میں داخل کیا گیا تھا۔
مرکزی وزیر صحت ڈاکٹر ہرش وردھن نے منگل کو کہا کہ سنگھ کی حالت مستحکم ہے۔
ہرش وردھن نے ٹویٹ کیا: 'دہلی میں میڈیکل ٹیم کے ساتھ ڈاکٹر منموہن سنگھ جی کی صحت سے متعلق طبی عملہ سے بات کی۔ ان کی حالت مستحکم ہے۔ ان کی بہترین ممکنہ نگہداشت کی جارہی ہے۔ ہم سب ان کی جلد صحتیابی کے لئے دعا گو ہیں۔'
Last Updated : Apr 21, 2021, 11:29 AM IST