کسان گزشتہ 77 دنوں سے دہلی کے بارڈر پر زرعی قوانین کی مخالفت میں مظاہرہ کر رہے ہیں۔ اس دوران سیاسی جماعتوں نے بھی ایوان میں کسانوں کی حمایت میں تینوں قوانین کی مخالفت میں اپنی آواز بلند کی۔
اپوزیشن زرعی قوانین کو منسوخ کرنے پر بضد
کانگریس کے سینیئر رہنما کپل سبل نے راجیہ سبھا میں کہا کہ وزیر اعظم نے خود کہا کہ ملک کے 86 فیصد کسان کے پاس 5 ایکڑ زمین ہے۔ انہوں نے کہا کہ کیا یہ تمام کسان خود کفیل ہو گئے ہیں۔
حکومت پر تنقید کرتے ہوئے کانگریس کے رہنما نے کہا کہ حکومت کو سوال کا جواب دینا ہوگا، تقریر تو ہو سکتی ہے لیکن زمینی حقیقت کو آپ کو سمجھنا ہوگا۔ انہوں نے کہا کہ کیا کسان دہلی کے بارڈر پر اس لئے مظاہرہ کر رہے ہیں کہ وہ خود کفیل ہو گئے ہیں۔