حزب اختلاف رہنماؤں کی پارلیمنٹ میں دوبارہ میٹنگ

پارلیمنٹ مانسون اجلاس میں پیگاسس، مہنگائی اور کسانوں کے معاملے پر حکومت کے خلاف متحد اپوزیشن جماعتوں کی پارلیمنٹ میں دوبارہ میٹنگ ہوئی۔

کانگریس کے سابق صدر راہل گاندھی، راجیہ سبھا میں اپوزیشن رہنما ملکارجن کھڑگے اور لوک سبھا میں کانگریس کے رہنما ادھیر رنجن چودھری کے سمیت اپوزیشن کی 14 جماعتوں کے رہنماؤں نے میٹنگ مین حصہ لیا۔

اپوزیشن جماعتوں کے رہنماؤں نے جمعہ کو بھی پارلیمنٹ میں ایک میٹنگ کی تھی۔ اس کے بعد تمام رہنما کسانوں کی حمایت میں جنتر منتر پہنچے اور 'کسان سنسد' میں شامل ہوئے۔

مانسون سیشن میں اپوزیشن جماعتوں کے رہنما حکومت کے خلاف متحد ہو کر اس سے پیگاسس، کسانوں کے مسائل اور مہنگائی کے سلسلے میں پارلیمنٹ میں بحث کا مطالبہ کررہے ہیں۔

پارلیمنٹ کے مانسون سیشن میں شروع سے حکومت کے خلاف ارکان اپنے مطالبات کے لیے ہنگامہ آرائی کر رہے ہیں جس کی وجہ سے پارلیمنٹ کا کام نہیں ہو رہا ہے۔