ممبئی: مہاراشٹر میں اتحاد کی میٹنگ کا آج دوسرا دن ہے، بھارت اتحاد کا اجلاس شروع ہو گیا ہے۔ اتحادی جماعتوں کے رہنما میٹنگ میں شامل ہو رہے ہیں۔ اس میٹنگ میں کانگریس کی سابق صدر سونیا گاندھی، آر جے ڈی سربراہ لالو پرساد یادو سمیت تمام لیڈر شامل ہیں۔ مہاراشٹرا این سی پی کے سربراہ شرد پوار اور پارٹی کی ورکنگ صدر سپریہ سولے انڈیا الائنس میٹنگ میں شامل ہیں۔ ممبئی میں اپوزیشن جماعتوں کے اتحاد انڈیا میٹنگ میں ادھو ٹھاکرے اور آدتیہ ٹھاکرے بھی موجود ہیں۔ آج ممبئی میں اپوزیشن کے اجلاس کا دوسرا دن ہے۔ اس اجلاس میں کئی اہم فیصلے کیے جانے کے امکان ہے۔
اس سے قبل جمعرات کو مہاراشٹر کے دارالحکومت ممبئی میں اپوزیشن جماعتوں کے اتحاد انڈیا اجلاس کا پہلا دن مکمل ہوا چکا ہے۔ آج اجلاس کے دوسرے دن کے تعلق سے کہا جا رہا کہ پارلیمنٹ کے خصوصی اجلاس کے بارے میں بات ہو سکتی ہے۔ اجلاس میں آئندہ انتخابات کے حوالے سے نشستوں کی تقسیم کے طریقہ کار پر بھی تبادلہ خیال کیا جانے کا امکان ہے، ساتھ ہی ساتھ رابطہ کمیٹی میں مختلف سیاسی جماعتوں کے رہنماؤں کو شامل کرنے کے لیے فہرست مانگی گئی ہے۔
غور طلب ہو کہ اندیا میٹنگ میں آئندہ لوک سبھا الیکشن لڑنے کے بارے میں بات چیت ہوئی۔ اتحاد کے ارکان نے بی جے پی کے خلاف ماحول بنانے پر تبادلہ خیال کیا۔ اس ملاقات میں ادھو ٹھاکرے نے رات کی دعوت دی۔ ذرائع کے مطابق کہا جا رہا کہ آج کی میٹنگ میں آئندہ کی حکمت عملی کے حوالے سے فیصلے کیے جا سکتے ہیں۔ اس سلسلے میں کانگریس لیڈر پرتھوی راج چوہان نے کہا کہ اتحاد کے رہنما آج کی میٹنگ میں سیٹوں کی تقسیم، رابطہ کمیٹی اور مشترکہ کم سے کم پروگرام کے طریقوں پر تبادلہ خیال کررہے ہیں۔ انہوں نے کہا کہ اسی طرح کا تجربہ 1977 میں بھی کیا گیا تھا اور یہ بھی اسی طرح کی کوشش ہے۔ 1977 میں، اپوزیشن جماعتیں اندرا گاندھی کی قیادت میں کانگریس کے ساتھ مقابلہ کرنے کے لیے اکٹھی ہوئیں تھیں۔