صرف 14 لاکھ حاملہ خواتین کو کورونا کی پہلی خوارک دی جاسکی ہے

آئی سی ایم آر میں مشیر اور مولانا آزاد میڈیکل کالج (ایم اے ایم سی) میں پروفیسر ڈاکٹر سنیل گرگ نے کہا کہ ایک سال میں 2.6 کروڑ حاملہ خواتین کو ٹیکہ لگانے کا ہدف طے کیا تھا لیکن اب کی صورتحال کو دیکھتے ہوئے تمام کو ٹیکہ دیا جانا ممکن نہیں ہے۔

مرکزی حکومت کی طرف سے حاملہ خواتین کے لیے کووڈ 19 کی ٹیکہ کاری مہم میں 20 ستمبر تک تقریبا 14 لاکھ حاملہ خواتین کو ٹیکہ کی پہلی خوارک دی جاسکی ہے۔ سرکاری سینیئر افسر نے یو این آئی کو یہ معلومات دی۔

حکومت نے 2 جولائی کو حاملہ خواتین کے لئے ویکسنیشن کی اجازت دی تھی۔ سرکاری اعدادو شمار کی بات کریں تو کورونا کے خلاف ہر مہینے پانچ لاکھ حاملہ خواتین کو ٹیکے دیئے جارہے ہیں۔

ماہرین کے مطابق ملک کی بڑی آبادی کے مدنظر حکومت کا ہدف ہے کہ سالانہ 2.6 سے 3کروڑ حاملہ خواتین کی ٹیکہ کاری کرائی جائے۔ اس حساب سے ٹیکہ کاری کی یہ شرح کافی کم ہے۔

آئی سی ایم آر میں مشیر اور مولانا آزاد میڈیکل کالج (ایم اے ایم سی) میں پروفیسر ڈاکٹر سنیل گرگ نے کہا کہ آپ ایک سال میں 2.6کروڑ حاملہ خواتین کو ٹیکہ لگانے کا ہدف طئے کیا تھا، لیکن اب کی صورتحال کو دیکھتے ہوئے تمام کو ٹیکہ دیا جانا ممکن نہیں ہے۔

انہوں نے کہا کہ حکومت اس سمت میں آگے بڑھ رہی ہے لیکن اس میں رفتار لانا بھی ضروری ہے تب ہی زیادہ سے زیادہ خواتین کو ویکسین دے پانا ممکن ہو پائے گا۔ اس سمت میں شروعات ہوچکی ہے۔

یو این آئی