کولگام میں ایک لڑکی کی ویڈیو وائرل ہونے پر شوہر گرفتار

کولگام پولیس نے گھریلو تشدد کے الزام میں ایک شخص کو گرفتار کرلیا۔ ایک خاتون کی ویڈیو سوشل میڈیا پر وائرل ہونے کے بعد پولیس نے یہ کارروائی کی۔

کولگام کی ساکن ایک خاتون جوزی جان زوجہ ہلال احمد شان نے کولگام پولیس سے مددکے لئے تھانہ دیوسر رجوع کیا۔ اسے طبی امداد کی اشد ضرورت تھی جس کے بعد اسے ضلعی اسپتال کولگام منتقل کردیا گیا۔

تفصیلات کے مطابق اس خاتون کو اس کے شوہر نے شدید زدوکوب کیا جس کے بعد وہ زخمی ہوگئی اور مدد کے لیے سوشل میڈیا کا سہارا لیا۔ ویڈیو وائرل ہونے کے بعد پولیس نے اس خاتون کو ہسپتال منتقل کیا۔

اس کے شوہر کو دفعہ 323 ، 109 ، 309 ، 498 اے کے تحت گرفتار کرلیا۔ کولگام پولیس نے مزید کہا کہ اس واقعہ کی تحقیقات جاری ہیں۔