بھونیشور: اڈیشہ حکومت نے ریاست میں صحت کی بہتر اور مناسب خدمات فراہم کرنے کے لیے صحت کے اداروں کے لیے ڈاکٹروں کے 2,000 عہدے تخلیق کئے ہیں۔Odisha govt creates 2000 posts for doctors
ریاست کے محکمہ صحت و خاندانی فلاح و بہبود کی طرف سے جاری کردہ ایک حکم نامے میں کہا گیا ہے کہ اوڈیشہ میڈیکل اینڈ ہیلتھ سروسز کیڈر کے گروپ اے (جونیئر گروپ) کے رینک میں لیو ٹریننگ ریزرو میڈیکل آفیسرز (ایل ٹی آر ایم او) کے 2,000 عہدوں کی تخلیق کو گورنر کی منظوری مل گئی ہے۔
حکم نامے کے مطابق 30 ڈسٹرکٹ ہیڈکوارٹر اسپتالوں میں 1500 ایل ٹی آر ایم اوز، راؤرکیلا کے سرکاری اسپتالوں کے لیے 20 ڈاکٹر اور 32 سب ڈویژنل اسپتالوں میں 480 ڈاکٹروں کی تقرری کی جائے گی۔ اتھمالک، پلہارا، تالچر، نیلگیری، پٹناگڑھ، تتیلا گڑھ، پدما پور، اٹھ گڑھ، بنکی، ہندول، کامکھیا نگر، آسکا، بھنج نگر، چھتر پور، ہنجیلی کٹ، دھرم گڑھ، بالی گوڑا، آنند پور، چمپا۔ ،پٹمنڈائی، کرنجیا، رائرنگ پور، اڈالا، چترکونڈہ، متھیلی، عمرکوٹ، کھرار، گنوپوری، کچنڈا، رائراکھول، برمہراج پور اور بونائی سب ڈویژنل اسپتالوں میں ڈاکٹروں کی تقرری کی جائے گی۔