نوئیڈا پولیس اہلکاروں نے کووڈ متاثرین کو پلازمہ کا عطیہ دیا

پولیس نے ضلع کے تمام رہائشیوں سے اپیل کی ہے کہ وہ اس مہم کا حصہ بنیں اور بحران کی اس گھڑی میں لوگوں کی مدد کریں۔

ریاست اترردیش کے گوتم بودھ نگر ضلع میں بڑھتے ہوئے کورونا انفیکشن کے پیش نظر پولیس کمشنر آلوک سنگھ نے ایک مثبت قدم اٹھایا ہے۔

آلوک سنگھ نے کہا ‘ضلع میں اگر کورونا میں مبتلا کسی شخص کو پلازمہ کی ضرورت ہے تو محکمہ پولیس کے متاثرہ پولیس اہلکار کورونا سے متاثرہ شخص کو پلازمہ عطیہ کرنے کے لیے تیار ہیں’۔

اس مہم کے سلسلے میں پولیس کمشنر آلوک سنگھ نے لوگوں سے اپیل کی ہے ‘ہم سبھی کو کورونا وبا کو شکست دینے کے لیے متحد ہونا پڑے گا اور جو لوگ کووڈ انفیکشن سے صحت یاب ہوئے ہیں انہیں بھی نوئیڈا پولیس کی مہم میں شامل ہونا چاہیے اور کورونا کے خلاف جنگ میں اپنا کردار ادا کرنا چاہیے'۔

اسی ضمن میں سپر ٹیک سیکٹر 74 نوئیڈا کے گورو بھٹناگر اور نوئیڈا پولیس کانسٹیبل اونیش نے پلازمہ عطیہ کیا ہے۔ پولیس نے ضلع کے تمام رہائشیوں سے اپیل کی ہے کہ وہ اس مہم کا حصہ بنیں اور بحران کی اس گھڑی میں لوگوں کی مدد کریں۔

وہ افراد جو نومبر 2020 کے بعد کووڈ۔19 سے صحت یاب ہو چکے ہیں اور وہ رضاکارانہ طور پر کوڈ مریض کو اپنا پلازمہ عطیہ کرنا چاہتے ہیں۔ وہ اس لنک سے https://forms.gle/ho3NJuYCS9ZRPUJA8 اور کوڈ ہیلپ لائن نمبر 8851066433 کے ذریعے نوئیڈا پولیس کے ساتھ جڑ سکتے ہیں۔