Pach Pach Gang In Noida نوئیڈا میں راہل پچ پچ گینگ کے دو بدمعاش گرفتار

نوئیڈا میں سیکٹر 39 کوتوالی پولیس نے راہل پچ پچ گینگ کے دو بدمعاشوں کو گرفتار کیا ہے۔ اس گینگ نے مہاراشٹر، دہلی اور اترپردیش میں چین اسنیچنگ کی 100 سے زیادہ وارداتیں انجام دی ہیں۔

نوئیڈا: ریاست اترپردیس کے نوئیڈا میں سیکٹر 39 کوتوالی پولیس نے راہل پچ-پچ گینگ کے دو بدمعاشوں کو گرفتار کیا ہے، جنہوں نے مہاراشٹر، دہلی اور اتر پردیش میں چین لوٹ (اسنیچنگ) کی 100 سے زیادہ وارداتیں انجام دی ہیں۔ پولیس نے ان دونوں سے لوٹی گئی چین اور خریدنے والے سنار کو بھی گرفتار کر لیا ہے۔ بدمعاشوں کی شناخت دہلی کے نانگلوئی کے دیپک کمار سنگھ، روی کمار اور نوین کمار کے طور پر ہوئی ہے۔

پولیس نے ملزمان کے قبضے سے لوٹی ہوئی چھ زنجیریں، آٹھ ہزار روپے نقد، ایک اسکوٹی اور دو موٹر سائیکلیں برآمد کر لیں ہیں۔ دیپک کے خلاف مہاراشٹر، دہلی اور نوئیڈا میں ڈکیتی کے 20 سے زیادہ کیس درج ہیں۔ روی کے خلاف 11 مقدمات درج ہیں۔ پچھلے دو مہینوں میں دونوں لٹیرے نوئیڈا کے مختلف کوتوالی علاقوں میں لوٹ کی چھ وارداتیں انجام دے چکے ہیں۔ ایڈیشنل ڈی سی پی شکتی موہن اوستھی نے کہا کہ گرفتار لٹیرے شاطر مجرم ہیں، جو چوری شدہ موٹر سائیکلوں اور اسکوٹیوں پر سوار ہو کر لوٹ کرتے ہیں۔

انہوں نے بتایا کہ پچ پچ گینگ کے شرپسند اصل میں دہلی کے رہنے والے ہیں، لیکن وہ ان شہروں میں کرائے پر کمرے لیتے ہیں جہاں انہیں وارداتیں کرنی ہوتی ہیں۔ دونوں نے فیز II کوتوالی علاقہ کے نیا باس گاؤں میں فی الحال کرائے کا کمرہ لیا تھا۔ گاڑی بدل کر بدمعاش واردات کو انجام دیتے تھے۔ ملزم سے برآمد کی گئی زنجیر کی مالیت تقریباً 7 لاکھ روپے ہے۔ دونوں کے خلاف گینگسٹر ایکٹ کے تحت کارروائی کی جائے گی۔ دونوں کو چھ سی سی ٹی وی فوٹیج میں دیکھا گیا ہے۔ دہلی پولیس بھی دونوں کی تلاش میں تھی۔ اے سی پی رجنیش ورما نے بتایا کہ گینگ میں کل چار ارکان ہیں۔ دو دیگر شرپسندوں کی تلاش جاری ہے۔ گینگ لیڈر راہل فی الحال قتل کے ایک کیس میں جیل میں ہے۔