انہوں نے کہا کہ میں ایسی افواہوں پر زور نہیں دوں گا کیونکہ مجھے وزیر اعظم مودی اور وزیر داخلہ امت شاہ کی حمایت حاصل ہے۔ جب تک یہ ہیں مجھے میرے عہدے سے کوئی نہیں ہٹا سکتا۔
انہوں نے مزید کہا کہ جب تک شاہ ان کی پشت پناہی میں ہیں، وہ تمام قانونی لڑائیوں سے بآسانی نکل جائیں گے۔
انہوں نے کہا کہ میں سو سو قانونی مقدمات کا سامنا کرنے کے لئے تیار ہوں۔ مجھے بالکل بھی پریشانی نہیں ہے کیونکہ مودی اور شاہ کو مجھ پر بھروسہ ہے۔ میرا کوئی کچھ نہیں بگاڑ سکتا ہے۔
وزیراعلیٰ نے مزید کہا کہ قائد حزب اختلاف سدھا رامیا ان باتوں سے بخوبی آگاہ ہیں۔ سیاستدانوں کے خلاف کس طرح جھوٹے مقدمات چلائے جارہے ہیں۔
تعصب کے ساتھ لوگ سیاستدانوں کے خلاف مقدمات درج کر رہے ہیں لہذا پارٹی کا کوئی بھی رہنما یقین نہیں کرے گا۔
مزید پڑھیں:
میں کانگریس کے رہنماؤں کو یاد دلانا چاہتا ہوں جو اکثر مجھ سے مقدمات کی بنیاد پر مجھ سے استعفیٰ طلب کرتے ہیں۔ انہیں یہ معلوم ہونا چاہئے کہ ان کے متعدد قومی رہنما ضمانت پر ہیں لہذا مجھ سے استعفیٰ مانگنا فضول ہے۔
