Vidarbha Reports 9 Farmers Suicides ودربھ میں 72 گھنٹے میں نو کسانوں کی خودکشی

ہاراشٹر کے ودربھ علاقے میں کسانوں کی خودکشی کا معاملہ خطرناک حد تک پہنچ گیا ہے جہاں 72 گنٹوں کے اندر نو کسانوں نے مبینہ طور پر خودکشی کر لی۔ ذرائع نے بتایا کہ چار کسانوں نے مبینہ طور پرپھندا لگا کر، جب کہ باقی پانچ نے مبینہ طور پر کیڑے مار دوا کھا کر خودکشی کر لی۔ انہوں نے کہا کہ ان میں سے زیادہ تر کسان چھوٹی زمین کے مالک تھے۔ Vidarbha reports 9 Farmers Suicides

ناگپور: مہاراشٹر کے ودربھ علاقے میں کسانوں کی خودکشی کا معاملہ خطرناک حد تک پہنچ گیاہے جہاں تین دنوں کے اندر نو کسانوں نے مبینہ طور پر خودکشی کر لی ہے۔ مالی مشکلات کی وجہ سے خودکشی کرنے والے کسانوں کی بیواؤں کے لیے کام کرنے والی ایک این جی او ’ودربھ جن آندولن سمیتی‘ (وی جے ایس) نے جمعرات کو یہاں بتایا کہ پچھلے تین دنوں میں نو کسانوں نے مبینہ طور پر خودکشی کی ہے۔Vidarbha reports 9 Farmers Suicides

وی جے ایس نے کہا کہ علاقے میں مسلسل بارش اور اس کے نتیجے میں آنے والے سیلاب نے فصل کو بھاری نقصان پہنچایا ہے۔ اب کسانوں کے پاس اگلی فصل بونے کے لیے بھی پیسے نہیں ہیں۔ صورتحال یہ ہے کہ کسان خاندانوں کے لیے روزی روٹی کا بندوبست کرنا بھی مشکل ہو گیا ہے۔ جس کے نتیجے میں کسان انتہائی قدم اٹھا رہے ہیں۔

انہوں نے بتایا کہ علاقے میں خودکشی کرنے والے کسانوں کی شناخت گنیش اڈے (40)، لتا چاہولے (55)، سوپنل پچ بھائی (32)، برجیش ہدے (33)، شنکر ڈانکے (70)، ساگر ڈھولے (33)، ستیش موہود (34)، منگیش ستکھیڑے (42)، بھاسکر پاردھی (40) کی شکل میں ہوئی ہے۔ انہوں نے کہا کہ ان میں سے پانچ کسان ضلع یوتمال کے ہیں، ودربھ کا یہ ضلع بارش سے سب سے زیادہ متاثر ہوا ہے۔

ذرائع نے بتایا کہ چار کسانوں نے مبینہ طور پرپھندا لگا کر، جبکہ باقی پانچ نے مبینہ طور پر کیڑے مار دوا کھا کر خودکشی کی ہے۔ انہوں نے کہا کہ ان میں سے زیادہ تر کسان چھوٹی زمین کے مالک تھے۔ ودربھ کے اکولا، امراوتی، یوتمال، بلدھانا، واشیم اور وردھا اضلاع سیلاب سے سب سے زیادہ متاثر ہوئے ہیں۔ مسلسل بارش سے کسان پریشان ہیں۔ انہیں بینکوں اور دیگر قرض دہندگان سے بھی کوئی راحت نہیں مل رہی ہے۔ تنظیم نے کہا کہ ربیع کی فصلوں کی بوائی کے لیے حکومت کسانوں کو فوری طور پر قرضے فراہم کرے۔ اس کے علاوہ کسانوں کے لیے مالی امداد اور قرض معافی کا اعلان کیا جائے۔

یواین آئی