دھرمیندر پردھان نے ٹویٹ کیا کہ نیٹ (یو جی) 2021 کووڈ 19 پروٹوکول پر عمل کرتے ہوئے 12 ستمبر 2021 کو پورے ملک میں منعقد کیا جائے گا۔
نیشنل ٹیسٹنگ ایجنسی (این ٹی اے) کی ویب سائٹ پر درخواست کا عمل کل(13 جولائی) شام 5 بجے شروع ہوگا۔
نیٹ (یوجی) 12 ستمبر کو منعقد ہوگا: دھرمیندر پردھان
مرکزی وزیر تعلیم دھرمیندر پردھان نے کہا کہ کووڈ 19 پروٹوکول پر عمل آوری کے ساتھ 12 ستمبر کو ملک بھر میں نیٹ (یوجی) 2021 کا انعقاد کیا جائے گا۔
Dharmendra Pradhan
انہوں نے بتایا کہ جن شہروں میں امتحانات ہوں گے ان کی تعداد 155 سے بڑھا کر 198 کردی گئی ہے۔ گذشتہ سال استعمال ہونے والے 3862 مراکز سے بھی امتحانی مراکز کی تعداد میں اضافہ کیا جائے گا۔
یہ بھی پڑھیں: جسمانی معذوری کے باوجود 'نیٹ' کوالیفائی کرنے والا با ہمت نوجوان
مرکزی وزیر نے مزید کہا کہ کووڈ 19 پروٹوکول پر عمل کو یقینی بنانے کے لیے امتحانی سینٹر میں تمام امیدواروں کو ماسک فراہم کیے جائیں گے۔ داخل ہونے اور نکلنے کے دوران بھی کورونا پروٹوکول کی پیروی کی جائے گی۔ اس کے ساتھ کنٹیکٹ لیس رجسٹریشن، مناسب شفائی ستھرائی، سماجی دوری کے ساتھ بیٹھنا وغیرہ بھی یقینی بنایا جائے گا۔