NCB Raid: این سی بی کی ناندیڑ میں ڈرگس فیکٹری پر کارروائی

نارکوٹکس کنٹرول بیورو (Narcotics Control Bureau)کو ایک بڑی کامیابی ملی ہے۔ ممبئی این سی بی کی ٹیم (NCB Team)نے زونل ڈائیریکٹر سمیر وانکھیڈے (Zonal Director Sameer Wankhede)کی سربراہی میں مہاراشٹر کے ناندیڑ علاقے سے ایک منشیات بنانے والی فیکٹری کا پردہ فاش کیا گیا ہے۔

مہاراشٹر کے ناندیڑ علاقے سے ایک منشیات بنانے والی اس فیکٹری سے 111 کلو پاپی اسٹرا اور ڈیڑھ کلو افیم برآمد کی گئی ہے۔ اسکے ساتھ ساتھ 1 لاکھ 55 ہزار نقد رقم برآمد کی گئی ہے۔ جائے واردات سے 2 ایسی مشینیں برآمد کی گئی ہیں جن سے منشیات بنائی جاتی تھی۔ وانکھیڈے نے بتایا کہ اس معاملے میں تین لوگوں کو گرفتار کیا گیا ہے جنکا تعلق پنجاب سے ہے۔

پاپی اسٹرا ایک ایسا پودا ہے، جس سے منشیات بنائی جاتی ہے۔ اسکے لئے ایک مخصوص طریقہ اپنا کر منشیات فروش اس سے کئی طرح کی منشیات بناتے ہیں اور اسے فروخت کرتے ہیں۔

زونل ڈائریکٹر سمیر وانکھیڈے نے بتایا کہ یہ گینگ بھلے ہی منشیات ناندیڑ کی اس فیکٹری میں بناتے ہیں لیکِن اس گینگ سے جڑے دوسرے افراد کا تعلق بھارت کی دوسری ریاستوں سے ہے، جو ملک کے الگ لگ خطوں میں بیٹھ کا منشیات کا کاروبار کرتے ہیں۔