National Herald Case: ای ڈی نے راہل گاندھی سے پانچویں روز، رات دیر گئے تک پوچھ تاچھ کی

کانگریس پارٹی کے سابق صدر راہل گاندھی سے نیشنل ہیرالڈ معاملے سے متعلق مسلسل پوچھ گچھ جاری ہے۔ منگل کو ای ڈی نے راہل کو طلب کیا تھا اور ان تقریبا 10 گھنٹے تک پوچھ گچھ کی۔ ED questions Rahul Gandhi for over 10 hours

نئی دہلی: نیشنل ہیرالڈ معاملے میں ای ڈی نے راہل گاندھی سے پانچویں دن پوچھ گچھ کی۔ راہل گاندھی رات 11.30 بجے کے بعد انفورسمنٹ ڈائریکٹوریٹ (ای ڈی) کے دفتر سے باہر نکلے۔ ذرائع کے مطابق ای ڈی حکام نے بغیر کسی وقفے کے راہل گاندھی سے تقریباً 10 گھنٹے تک پوچھ گچھ کی۔ اس کے بعد انہیں وقفہ دیا گیا، پھر انہیں پوچھ گچھ کے لیے بلایا گیا۔ راہل گاندھی سی آر پی ایف کے اہلکاروں کی "زیڈ پلس" زمرہ کی سیکورٹی کے ساتھ منگل کی صبح تقریباً 11.15 بجے وسطی دہلی کے اے پی جے عبدالکلام روڈ پر واقع ای ڈی ہیڈکوارٹر پہنچے تھے۔ ED interrogated Rahul Gandhi till late night on the fifth day

واضح ہے کہ راہل گاندھی سے پیر کو تقریباً 12 گھنٹے تک پوچھ گچھ کی گئی۔ 52 سالہ راہل سے گزشتہ ہفتے پیر، منگل اور بدھ کو مسلسل تین دنوں تک ای ڈی حکام نے 30 گھنٹے سے زیادہ پوچھ گچھ کی، جس کے دوران منی لانڈرنگ کی روک تھام کے قانون (پی ایم ایل اے) کے تحت ان کے بیانات ریکارڈ کیے گئے۔

کانگریس صدر سونیا گاندھی کو بھی ای ڈی نے اسی معاملے میں 23 جون کو طلب کیا ہے۔ سونیا کو حال ہی میں کوویڈ 19 سے متعلق صحت کے مسائل کی وجہ سے دہلی کے ایک پرائیویٹ اسپتال میں داخل کرایا گیا تھا جہاں سے انہیں پیر کی شام ڈسچارج کر دیا گیا تھا۔ کانگریس کا کہنا ہے کہ ڈاکٹروں نے انہیں گھر پر آرام کرنے کا مشورہ دیا ہے۔ اب تک کی پوچھ گچھ کے دوران راہل گاندھی سے 'ینگ انڈین' کے قیام، 'نیشنل ہیرالڈ' کے آپریشن اور کانگریس کی طرف سے ایسوسی ایٹڈ جرنلز لمیٹڈ (اے جے ایل) کو دیئے گئے قرضوں اور فنڈز کی منتقلی سے متعلق سوالات پوچھے گئے ہیں۔ سونیا گاندھی اور راہل گاندھی سمیت کانگریس کے کچھ دیگر رہنما 'ینگ انڈین' کے پروموٹرز اور شیئر ہولڈرز میں شامل ہیں۔