نیشنل کانفرس کے صدر اور ممبر پارلیمنٹ ڈاکٹر فاروق عبداللہ نے کہا کہ ان کی جماعت اسمبلی سے دور نہیں رہی گی اور جموں و کشمیر کی خصوصی حیثیت حاصل بحال ہونے تک نیشنل کانفرنس جد و جہد جاری رکھے گی۔
فاروق عبداللہ کا کہنا تھا کہ جموں و کشمیر کی خصوصی پوزیشن، ریاستی درجے کی بحالی اور 35 اے کی واپسی کے لیے وہ ڈٹے ہوئے ہیں اور اس پر کوئی سمجھوتہ نہیں ہوگا۔ انہوں نے کہا اس مشن کے لیے وہ متحد ہیں۔
سرینگر میں اپنے والد شیخ عبداللہ کے مقبرے پر ان کی 39ویں برسی کے موقع پر نامہ نگاروں سے بات کرتے ہوئے فاروق عبداللہ نے کہا کہ ان کی جماعت اسمبلی انتخابات میں جوش و خروش کے ساتھ حصہ لے گی۔
افغانستان میں طالبان کے اقتدار سنبھالنے کے سوال پر فاروق عبداللہ نے کہا کہ وہ امید کریں گے کہ طالبان انسانی حقوق کی پاسداری کرنے کے ساتھ ساتھ تمام ممالک سے دوستانہ تعلقات قائم کریں گے۔