''بی جے پی سیاسی طاقت کا غلط استعمال کر رہی ہے''

پاپولر فرنٹ کرناٹک کے جنرل سیکرٹری ناصر پاشاہ نے بھارتیہ جنتا پارٹی کے اس اقدام کی سخت مذمت کرتے ہوئے کہا کہ بی جے پی سیاسی طاقت کا غلط استعمال کر رہی ہے جو کہ سماج کے لیے ایک خطرہ ہے۔ انہوں نے الزام عائد کیا کہ بی جے پی سماجی کارکنان کے نام پر سنگھ پریوار کے غنڈوں کی پشت پناہی کر رہی ہے۔

ریاست کرناٹک میں حال ہی میں ریاستی وزیر کوٹا شرینیواس پوجاری نے وزیر داخلہ ارگا گنیانیندرہ سے اپیل کی تھی کہ بی جے پی اور ہندوتوا کارکنان کے خلاف دائر کئے گئے فرضی مقدمات کو واپس لیں جس کا وزیر داخلہ نے مثبت جواب دیا تھا کہ وہ اس سلسے میں کابینیہ میں بات کریں گے۔

پاپولر فرنٹ کرناٹک کے جنرل سیکرٹری ناصر پاشاہ نے بھارتیہ جنتا پارٹی کے اس اقدام کی سخت مذمت کرتے ہوئے کہا کہ بی جے پی سیاسی طاقت کا غلط استعمال کر رہی ہے جو کہ سماج کے لیے ایک خطرہ ہے اور بی جے پی سماجی کارکنان کے نام پر سنگھ پریوار کے غنڈوں کی پشت پناہی کر رہی ہے۔

اس سلسلے میں سپریم کورٹ کے 10 اگست 2021 کے حکم نامہ کا حوالہ دیتے ہوئے پاپولر فرنٹ کے رہنما ناصر پاشاہ نے کرناٹک ہائی کورٹ سے اپیل کی ہے کہ وہ اس معاملے میں مداخلت کرے۔

واضح رہے کہ حال ہی میں 10 اگست 2021 کو سپریم کورٹ کی جانب سے ایک ہدایت آئی تھی جس میں بتایا گیا تھا کہ 16 ستمبر 2020 کے حکم کے مطابق رجسٹرڈ متعلقہ ازخود رٹ پٹیشنز میں ہائی کورٹ کی اجازت کے بغیر کسی موجودہ یا سابق رکن پارلیمان یا ایم ایل اے کے خلاف کوئی مقدمہ واپس نہیں لیا جائے گا اور اس معاملے میں ہائی کورٹس سے کہا گیا ہے کہ وہ ایسے کیسز کی عدالت کی طرف سے دی گئی ہدایات کی روشنی میں جانچ کرے، وہ 16 ستمبر 2020 کے بعد چاہے پینڈنگ ہوں یا خارج کردیے گئے ہوں۔