Muslim Personal Law Board on Women مسلم پرنسل لاء بورڈ کی میٹنگ میں خواتین کی نمائندگی پر اہم گفتگو

راجیہ سبھا کی رکن فوزیہ خان نے میٹنگ میں شرکت کی۔ انہوں نے میٹنگ کے اختتام پر ای ٹی وی بھارت سے خاص بات کرتے ہوئے کہا کہ بورڈ کی میٹنگ میں یہ طے پایا گیا ہے کہ خواتین کو ہر میدان میں اہم ذمہ داری دی جائے گی۔

اتر پردیش میں لکھنؤ کے دارلعلوم ندوۃ العلما میں آل انڈیا مسلم پرسنل لا بورڈ کی ایگزیکٹو کمیٹی کی میٹنگ منعقد کی گئی۔ اس مٹینگ میں بورڈ کے تمام ممبران نے شرکت کی۔ راجیہ سبھا کی رکن فوزیہ خان نے بھی میٹنگ میں شرکت کی۔ انہوں نے میٹنگ کے اختتام پر ای ٹی وی بھارت سے خاص بات کرتے ہوئے کہا کہ بورڈ کی میٹنگ میں یہ طے پایا گیا ہے کہ خواتین کو ہر میدان میں اہم ذمہ داری دی جائے گی۔

بورڈ کے سلسلے میں خواتین ونگ کو ختم کرنے کی افواہوں کی تردید کرتے ہوئے انہوں نے کہا ہے کہ ایسی کوئی بات نہیں بلکہ بورڈ نے فیصلہ کیا ہے کہ خواتین کو بورڈ کے سبھی سب کمیٹیوں میں جگہ دی جائے گی تاکہ ان کہ نمائندگی ہوسکے۔ انہوں نے کہا کہ مجھے بھی کچھ اہم ذمہ داری دی گئی ہے، جس میں بیداری پروگرام کا اہتمام کیا جائے گا۔ خواتین کے حقوق سے متعلق مختلف پروگرام منعقد کئے جائیں گے۔ انہوں نے کہا کہ طلاق، نکاح اور حجاب جیسے اہم مسئلے پر جو بھی مسائل ہوں گے ان کو دستور ہند کے پیش نظر ہی حل کیا جائے گا۔ خواتین سے متعلق علیحدہ ونگ قائم کر ان سے متعلق مسائل کو حل جائے گا۔

واضح رہے کہ لکھنؤ میں آل انڈیا مسلم پرسنل لا بورڈ کا اہم اجلاس دارالعلوم ندوۃ العلماء میں منعقد کیا گیا۔ اس اہم اجلاس میں پرسنل لا بورڈ کے تمام اراکین نے شرکت کی۔ اجلاس میں کئی اہم مسائل پر غور وفکر کیا گیا۔ اس موقع پر پرسنل لا بورڈ کے تمام اراکین خاص طور سے سید قاسم الیاس رسول، مولانا خالد سیف اللہ رحمانی، مولانا عتیق بستوی، اسد الدین اویسی سمیت متعدد سرکردہ شخصیات بھی شامل ہوئے۔