Muslim Organizations Protest Against Police Officers: مسلم تنظیموں کا پولیس افسروں کے خلاف کارروائی کا مطالبہ

تنظیموں کے عہدیداران کا کہنا ہے کہ جس طرح سے جے پور کمشنریٹ کے برہم پوری پولیس تھانے میں پولیس افسران کی جانب سے سماجی کارکن کے ساتھ بدسلوکی کی گئی ہے وہ ناقابل برداشت ہے۔Muslim Organizations Demand Immediate Action Against Police Officers

ریاست راجستھان کے دارالحکومت جے پور کے موتی ڈونگری روڈ علاقے میں واقع مسلم مسافر خانے میں آج جے پور کی مسلم تنظیموں کے عہدیداران کی جانب سے ایک پریس کانفرنس کا انعقاد کیا گیا۔ Muslim Organizations Held A Media Conference

اس پریس کانفرنس میں مسلم تنظیموں کے عہدیداران کی جانب سے راجستھان پولیس محکمے کے افسران پر مسلم مخالف ہونے الزام عائد کیا گیا، اس دوران ریاستی حکومت کو متنبہ کیا گیا ہے کہ اگر اے سی پی چندر سنگھ راوت اور اے ڈی سی پی سومن چودھری کو سات روز میں معطل نہیں کیا گیا تو تمام مسلم تنظیموں کے عہدیداران، ذمہ داران اور اراکین سڑکوں پر اتریں گے اور ریاستی حکومت کے خلاف تحریک کا آغاز کریں گے۔۔

تنظیموں کے عہدیداران کا کہنا ہے کہ جس طرح سے جے پور کمشنریٹ کے برہم پوری پولیس تھانے میں پولیس افسران کی جانب سے سماجی کارکن کے ساتھ بدسلوکی کی گئی ہے وہ ناقابل برداشت ہے۔

دراصل جے پور کے کربلا علاقے میں واقع مسجد میں مسلم تنظیموں کے عہدیداران جمعہ کے روز نماز جمعہ ادا کرنے کے لیے پہنچے تھے، اس دوران وہاں پر موجود اے سی پی کی جانب سے ان لوگوں کو برہم پوری پولیس تھانے لے جایا گیا اور ان کے ساتھ بدسلوکی کی گئی، جس کے بعد تمام مسلم تنظیموں کے عہدیداران نے سخت موقف اختیار کرتے ہوئے ریاستی حکومت سے پولیس افسران کو معطل کرنے کا مطالبہ کیا ہے۔