Mumeeba Ali Century Helps Pakistan Big Win منیبہ علی کی ریکارڈ سنچری کی بدولت پاکستان فاتح

ٹی 20 بین الاقوامی میچوں میں منیبہ علی نے ریکارڈ سنچری کی بدولت پاکستان نے آئرلینڈ کو یکطرفہ مقابلے میں 70 رنوں سے شکست دے کر رواں عالمی 20 خواتین میں پہلی جیت درج کی۔ Mumeeba Ali Century Helps Pakistan Big Win

کیپ ٹاون: جنوبی افریقہ کے کیپ ٹاون کے نیولینڈ گراونڈ میں کھیلے گئے ٹی 20 ورلڈ کپ 2023 کے گروپ ٹو کے ایک اہم میچ میں پاکستان اور آئر لینڈ کی ٹیمیں آمنے سامنے ہوئیں۔ دونوں ٹیموں کو رواں ورلڈ کپ ٹی 20 میں پہلی جیت کی تلاش تھی۔ آئرلینڈ نے ٹاس جیت کر پاکستان کو پہلے بیٹنگ کرنے کی دعوت دی۔ وکٹ کیپر بلے با منیبہ علی اور جویرا خان نے اننگ کی ٹھوس شروعات کرتے ہوئے پہلے وکٹ کے لیے 44 رنوں کی شراکت کی۔

جویرا خان چھ رنوں کے انفرادی اسکور پر رن آوٹ ہو گئی۔ کپتان بسمہ معروف بھی 4 رن بنا کر پویلین لوٹ گئی۔55 رنوں کے مجموعی اسکور پر دو وکٹ گنوانے کے بعد منیبہ علی اور ندا ڈار نے شاندار بلے بازی کرتے ہوئے نا صرف ٹیم کو بحران سے نجات دلایا بلکہ 101 رنوں کی شاندار سنچری شراکت داری ببی نبھائی۔ منیبہ علی نے 68 گیندوں پر 14 چوکوں کی مدد سے 102 رن بنائی۔ منیبہ علی پاکستان کی جانب سے ٹی20 انٹرنینشل مقابلوں میں سنچری بنانے والی پہلی پاکستانی خاتون بن گئی ہیں۔اس کے ساتھ ہی منیبہ علی پاکستان کی پہلی خاتون کرکٹر ہیں جنہوں نے خواتین عالمی مقابلوں میں سنچری بنانے کا عاعزاز حاصل کیا۔

ندا ڈار 28 گیندوں پر دو چکوں اور ایک چھکے کی مدد سے 33 رنوں کی اننگز کھیل کر آوٹ ہوئی۔پاکستان نے مقررہ 20 اوورز میں پانچ وکٹوں کے نقصان پر ن165 رن بنائے۔ پاکستان کے 165 رنوں کے بڑے ہدف کے تعاقب میں ائرلینڈ کی ٹیم کی شروعات مایوس کن رہی اور دس رنوں کے مجموعی اسکور پر اپنا پہلا وکٹ گنوایا۔پاکستان کی عمدہ بالنگ کے سامنے ائرلینڈ کی ٹیم ٹک نا سکی اور 16.3 اوورز میں 95 رن بنا کر آل آوٹ ہو گئی۔ائرلینڈ کی جانب سے اورلا پریندرگسٹ31 رن،ایلیمار رچرڈسن28 رنوں کے ساتھ نمایاں اسکورر رہیں۔اس کے علاوہ دیگر بلےباز خاطر خواہ رن بنانے میں ناکام رہیں۔

پاکستان کی جانب سے نصرہ سندھو نے شاندار گیندبازی کرتے ہوئے چار وکٹ حاصل کئے ۔ ندا ڈار اور سعدیہ اقبال کو دو دو جبکہ ثنا فاطمہ اور طبیہ حسین کو ایک ایک وکٹ ملا،پاکستان کی ٹیم اس بڑی جیت کے ساتھ خواتین ٹی20 ورلڈ کپ کے گروپ بی میں دو میچوں میں ایک جیت اور ایک شکست کے ساتھ 2 پوائنٹ کی بدولت تیسری پوزیشن پر پہنچ گئی ہے۔