Prophet Remarks Row: ممبئی پولیس نے نوپور شرما کو طلب کیا

ممبئی پولیس نے گستاخ رسول نوپور شرما کو 25 جون کو طلب کیا ہے۔ پولیس نے نوپور شرما کو پیغمبر اسلام کے خلاف قابل اعتراض ریمارکس کے سلسلے میں طلب کیا ہے۔ Prophet Remarks Row

ممبئی: ممبئی پولیس نے بھارتیہ جنتا پارٹی کی معطل ترجمان نوپور شرما کو پیغمبر اسلام کے خلاف قابل اعتراض ریمارکس کے سلسلے میں 25 جون کو اپنا بیان ریکارڈ کرانے کے لیے طلب کیا ہے۔ ایک اہلکار نے ہفتہ کو یہاں یہ جانکاری دی۔ شرما کے خلاف اس ہفتے کے شروع میں شہر کے پائدھونی پولیس اسٹیشن میں ایک ٹی وی بحث کے دوران پیغمبر اسلام کے بارے میں ان کے تبصرے کے بعد ایف آئی آر درج کی گئی تھی۔ ٹی وی پر بحث کے دوران ان کے ریمارکس کی وجہ سے بڑا تنازع کھڑا ہو گیا تھا۔Mumbai police summons nupur sharma to appear for interrogation on june 25

افسر نے کہا کہ پولیس اس کیس میں ان کا بیان ریکارڈ کرنا چاہتی ہے۔ انہیں 25 جون کو صبح 11 بجے تفتیشی افسر کے سامنے پیش ہونے کو کہا گیا ہے۔ اس سے قبل پولیس نے متعلقہ نیوز چینل سے مذکورہ بحث کی ویڈیو طلب کی تھی۔ بی جے پی نے نوپور شرما کو معطل کر دیا، جب کہ ایک اور رہنما نوین جندال کو اسی طرح کے تبصرے کرنے پر پارٹی سے نکال دیا ہے۔